22 Август, 2019
0.0187

Активирана новата тарифа на извршителите, помали трошоци за граѓаните-должници

Објавено во: Економија 12 Февруари, 2019

Министерката за правда Рената Дескоска ја активираше новата тарифа за награда и надоместок на трошоците на извршителите, со што се очекуваат помали трошоци, главно кај граѓаните, на основниот долг на неплатените сметки.

Наградата за платен налог за предмети кои започнуваат да се работат од почетокот на оваа недела, а кои се однесуваат за побарување за неплатени сметки до 100 евра за струја, парно, кабелски оператори, телефон, одржување на заеднички простории се наплаќа само 2 евра. Со старата тарифа тоа можеше да чини 14,5 евра за администрирање и награда. Од 100 до 200 евра наградата е 5 евра по новиот тарифник кој стапи на сила во петокот, а над 200 евра е 10, додека по старо можеше да чини и над 20.

Извршни исправи доколку станува збор за судски одлуки и решенија на државни служби и претпријатија се наплатува 6, 5 евра ако основниот долг е до 100 евра, а ако е од 100 до 300 тогаш тој изнесува 10,5 евра.

Кај поголемите суми нема голема разлика во однос на стариот правилник донесен пред три години. Така, за побарувања до 3.000 евра сега наградата е 7,5 отсто од основниот долг, додека претходно беше 8 проценти плус 30 евра за администрирање.

Поголема разлика има во изготвувањето на налогот за извршување од платата на самото работно место на должникот или над неговата трансакциска сметка во банка. Претходно тоа ги чинеше граѓаните 20 евра, а сега е само 2 евра кога станува збор за неплатени долгови за телен, струја, парно, станување, телевизија и др. Доколку станува збор за друг тип на долг, интервенцијата ќе го чини физичкото лице 6 евра.

Истовремено стапи и тарифата за нотарите, кога станува збор за извршувањето на долг, па така нивната награда не може да биде повисока од 500 денари, ниту за долгови и над 1.000 евра кога по старо би изнесувале 35 евра.

Новата тарифа влегува како подзаконски акт за измените на Законот за нотаријат и на Законот за извршување, донесени претходно од Собранието на Македонија. Во меѓувреме, додека траеше дебатата, министерката Дескоска направи дополнителни компромисни решенија со извршителите, а невладините организации критикуваа дека и понатаму ќе останат високите камати кои тие им ги наметнуваат.

Александар Кузмановски

Можеби ќе ве интересира

Тркалезна маса на тема: „ВЛАДЕЕЊЕ НА ПРАВОТО КАКО ИМПЕРАТИВ ЗА СТАБИЛНИ И ПРЕДВИДЛИВИ УСЛОВИ ЗА ВОДЕЊЕ БИЗНИС“

Тркалезна маса на тема: „ВЛАДЕЕЊЕ НА ПРАВОТО КАКО ИМПЕРАТИВ ЗА СТАБИЛНИ И ПРЕДВИДЛИВИ УСЛОВИ ЗА ВОДЕЊЕ БИЗНИС“

Промени во органите на управување и раководење на Силк Роуд банка

Промени во органите на управување и раководење на Силк Роуд банка

Ѓорѓе Војновиќ останува Главен извршен директор на Триглав Осигурување АД, Скопје

Ѓорѓе Војновиќ останува Главен извршен директор на Триглав Осигурување АД, Скопје

Која банка прави најмногу пари?

Која банка прави најмногу пари?

Фирмите на Бојан Јовановски под лупа на УЈП

Фирмите на Бојан Јовановски под лупа на УЈП

Која банка направи профит од 17 милиони евра за шест месеци?

Која банка направи профит од 17 милиони евра за шест месеци?

Колку пари ќе потрошат родителите за да подготват прваче за на училиште?

Колку пари ќе потрошат родителите за да подготват прваче за на училиште?

УТРИНСКИ ФОКУС: Како „Бургер кинг“ прави пари во Македонија ?

УТРИНСКИ ФОКУС: Како „Бургер кинг“ прави пари во Македонија ?

Како работи „Бургер кинг“ во Македонија?

Како работи „Бургер кинг“ во Македонија?