Алармот вклучен: Цените на нафтата отидоа до небо
Објавено во: Економија 17 Април, 2019
Северноморската нафта од типот брент денес достигнала највисоко ниво во 2019 година бидејќи надминала 72 долари за барел.
На тоа му допринел стабилниот економски раст во Кина и пад на залихи на сировата нафта во САД, оценува Ројтерс.
Нафтата од типот „брент“ поскапела утринава за 28 центи или 0,39 отсто , на 72 долари, откако претходно достигна дневен максимум од 72,24 долари.
Истовремено, цените на фјучерсите на американската лесна нафта пораснале за 34 центи или 0,53 отсто на 64,39 долари за барел.
Кинеската економија во првиот квартал пораснала за 6,4 отсто , покажале официјални податоци, со што, како оценува Ројтерс, и, се спротивставила со очекувано забавување.
На годинешното јакнење на цените влијаел и пактот постигнат помеѓу членките и нечленките на ОПЕК за намалување на нивното производство на нафта за 1,2 милиони барели дневно.
Ројтерс наведува и дека глобалната понуда дополнително е „под притисок“ поради американските санкции против двете членки на ОПЕК Венецуела и Иран.
Имено, иранскиот извоз на сирова нафта паднал во април на најниско дневно ниво во оваа година покажуваат необјавените податоци.