Александар Кировски ќе биде вршител на должност член на Управен одбор на Силк Роуд Банка
Објавено во: Финансии 09 Март, 2020
Александар Кировски ќе биде вршител на должноста член на Управниот одбор на Силк Роуд Банка Скопје.
Ова го објави банката преку Македонската берза.
„Во согласност со член 166-б став 1 алинеја 4 од Законот за хартии од вредност ги објавуваме следниве промени во Силк Роуд Банка АД Скопје. На 4 март 2020 година во Централниот регистар е извршен упис на Александар Кировски за вршител на должност член на Управниот одбор на Силк Роуд Банка АД Скопје“, се вели во соопштението од банката, за промените во органите на управување и раководење.
Оттаму нагласуваат дека вршителот на должност член на Управен одбор е именуван по добивање на претходна согласност од гувернерот на Народна банка на Република Северна Македонија за именување на нов член на Управниот одбор на банката.
„Со тоа, членови на Управниот одбор на банката се Александар Кировски, вршител на доност член на Управен одбор, како и Игор Димитров, член на Управен одбор“, се вели во соопштението од банката.