Алијана за Албанците и Алтернатива предлагаат анкетна комисија за работата на Комисијата за инфективни болести
Објавено во: Македонија 25 Октомври, 2020
Албанската опозиција му предложи на Собранието да формира Анкетна комисија за работата на Комисијата за инфективни болести. Според нив, комисијата, која требаше да се справи со пандемијата, не ги исполнила очекувањата поради политизација.
Генералниот секретар на Алијансата за Албанците, зборувајќи во име на коалицијата вели дека не може да се дозволи пандемијата да продолжи да се шири како што е сега, додека Комисијата „гледа со скрстени раце“.
- Секое државно тело што прави некомпетентни чекори во догледно време, тогаш исто така треба да има одговорности. Ние како пратеничка група ја покренавме оваа иницијатива и се надевам дека Анкетната комисија ќе биде прифатена и ќе започне со работа. Комисијата е крајно партизирана. Има партиски членови на двете владејачки партии СДСМ и ДУИ. Македонија е единствената земја која сè уште нема стратегии и алгоритми за тоа како да се справи со оваа ситуација - рече Арбен Таравари, генерален секретар на АА.
Во принцип, опозицијата ги води истражните комисии. Во случај на формирање на комисијата, нејзиниот мандат продолжува до распуштањето на Собранието. Албанската опозиција ќе интервенира и со измени и дополнувања на предлог-законот за заштита на населението од заразни болести, за што се очекува потребното гласање во вторник.
- Се надевам дека Владата ги прифаќа овие предлози. Не ги познавам конкретно нивните предлози и сигурно пратеничката група ќе ги објасни на седниците на комисиите и на пленарната седница на Собранието, рече Таравари.
Инаку ВМРО-ДПМНЕ од минатата недела предлага предлог-закон за формирање специјална државна комисија за заштита и борба против пандемии и епидемии. Како што истакна Атонијо Милошоски, тие предлогот го доставиле до министерот за здравство, Венко Филипче, но тој ги одбил.
Опозицијата предлага комисијата да брои 11 члена, меѓу кои министерот за здравство и директорот за Центарот за управување со кризи, а внатре би членувале специјалисти инфектолози 3 члена, епидемиолози 2 члена, микробиолози 2 члена, имунолог еден член и специјалист интернист еден член.