АЛЈАСКА ЈА ТРЕСЕШЕ ЗЕМЈОТРЕС ОД 8,2 СТЕПЕНИ: Вклучен алармот поради цунами на Хаваи
Објавено во: Свет 29 Јули, 2021
Земјотрес со јачина од 8,2 степени според Рихтеровата скала утинава во 6.15 минути по Гринич, а 22.15 синоќа
по локално време го погоди
полуостровот Алјаска поради што е издадено предупредување за цунами во тој
регион, објавија локалните власти.
Нема информации за повредени или материјални штети, а Американскиот геолошки завод (USGS) соопшти дека земјотресотбил на длабочина од 35 километри, пренесува Ројтерс.
На Алјаска, Националниот центар за предупредување од цунами (НТВЦ) издаде предупредување за цунами за јужните делови, полуостровот и пацифичките крајбрежни области од влезот Хинчинрук до превојот Унимак.
Пацифичкиот центар за предупредување за цунами (ПТВЦ) издаде предупредување за американската држава Хаваи и американската пацифичка територија Гуам. Полицијата во градот Кодијак на Алјаска, најголемиот град на островот Кодијак, ги советуваше жителите да одат на највисоко можно место, а средното училиште беше отворено за потенцијална евакуација.
Американскиот NTVC изјави дека го проценува нивото на опасност од цунами за другите крајбрежни области на САД и Канада. Земјотресот се случи на околу 91 км југоисточно од градот Перивил на Алјаска и на околу 800 км од Енкориџ, најголемиот град на полуостровот.
Ова беше проследено со седум последователни земјотреси, од кои два беа посилни од 6,0 степени според Рихтеровата скала, според USGS.