Алмакос: Заев на Села му го понудил министерството за локална самоуправа
Објавено во: Македонија 18 Јуни, 2019
По најновите информации на СДСМ дека нема да има предвремени избори, туку само реконструкција на владата, имињата на министри кои можат да ја напуштат оваа владина структура почнаа да циркулираат.
Како што дознава „Алмакос“, премиерот Зоран Заев му понудил на претседателот на Алијансата за Албанците, Зијадин Села, повторно место во Владата и негов функционер да го предводи министерството за локална самоуправа.
Во моментов овој ресор му е доделен на коалициониот партнер НДП, чиј претседател е Весел Мемеди, а министер е Сухејл Фазлиу.
Од Села се очекува повторно да ја разгледа понудата да биде вклучен во владеачкото мнозинство.
Според најавите на СДСМ, реконструкцијата на владата ќе вклучува најмалку 8 министерства и над 20 дирекции.