Добивај вести на Viber
Нов рекорд на посетители на Павилјонот на Република Северна Македонија на ЕКСПО 2020 Дубаи, објави Амбасадата на Македонија во Обединетите арапски емирати.
„На 2 декември нашиот павилјон во Дубаи го посетија скоро 10.000 илјади посетители (односно точно 9.523 лица), а поради Националниот Ден на Обединетите Арапски Емирати и големиот број заинтересирани посетители, Павилјонот беше отворен до полноќ. Најголемиот дел на посетители, резиденти на ОАЕ од различни Азиски држави, беа заинтересирани за убавините на Република Северна Македонија, туристичките атракции, историјата, културата, религиите, храната, но имаше и од тие кои прашаа и за географската позиција на нашата земја, стои во објавата.
Експото овозможува познавање на Република Северна Македонија и за тие лица од далечните дестинации кои не слушнале каде е оваа држава, но за добрите познавачи, ова е добра можност за туризам и бизнис инвестиции.
Можностите за инвестиции во слободните економски зони, енергетиката и земјоделството се исто така главна точка на заинтересираните страни кои бараат нови визии за развој на нивниот бизнис.
„Павилјонот на Република Северна Македонија во Дубаи во четвртокот беше вистинскиот "дом на секој чекор", стои во објавата.
Павилјонот на Република Северна Македонија е отворен со поддршка на домаќинот Обединетите Арапски Емирати, а посетителите имаат уникатна можност директно да се запознаат со културата и традицијата на нашата држава, како и со природните богатства и туристичкиот потенцијал. Изложени се теракоти, артефакти, традиционални носии, промотивни материјали и видео презентации на Северна Македонија.