АМБИЦИОЗНА ТРАНСПОРТНА СТРАТЕГИЈА: Какви инвестиции најавува Сугарески за 4,2 милијарди евра до 2030?
Објавено во: Економија 19 Јануари, 2019
Од центарот на Скопје па до аеродромот ќе има опција да се патува со воз. Ова станува јасно по објавениот амбициозен транспортен бум кој го најавија од Министерството за транспорт и врски.
Сумата која ја најави министерот Сугарески изнесува 4,2 милијарди евра до 2030 година а согласно планот најавени се 104 проекти.
Проектите се амбициозни и според кажаното навестуваат инвестициски бум.
Транспортната стратегија на Сугарески опфаќа изградба на нови автопатишта, експресни патишта, како и пруги.
Најавена е модерна инфраструктура но и инвестиции во граничните премини и воздухопловна стратегија.
Она што посебно го привлече вниманието на јавноста е изградбата на од скопската железничка станица до Аеродромот Скопје. Сепак, се зависи и од бројот на патници на аеродромот а колку ќе чини таа изградба и кога ќе почне да се гради засега нема рок.
Она што го потенцираа од Министерството е дека исплатливоста на пуштањето на пругата од Скопската железничка станица до Аеродромот беше бројот на патници со авион а услов беше авионскиот превоз да привлече до 2 милиони патника.
Во следните 12 години, надлежните планираат да ги завршат почнатите проекти меѓу кои е автопатот Кичево -Охрид, Скопје-Блаце. Ќе се гради нов автопат од Гостивар до Кичево а тука е и изградба на ниво на автопат на делницата од Крива Паланка до граничниот премин Деве Баир и од Струмица до границата со Бугарија.