Американец со српско потекло е нов командант на КФОР

Добивај вести на Viber

Полковник Ник Дучиќ, Американец со српско потекло, е новиот командант на базата Бонстил, кај Урошевац и на мултинационалната бригада Кфор-Исток.

„Јас сум првиот американски офицер со српско потекло кој  командува во Мултинационална борбена група на исток“, изјавил полковник Дучиќ.

Тој во Косово доаѓа од позицијата командант на 79 пешадиска бригада на Националната гарда на Калифорнија. На преземањето на должноста од досегашниот Командант, полковник Михаел Спрагинс, Дучиќ вети дека улогата на КФОР останува непроменета во обезбедувањето сигурна средина и слобода на движење.

„Улогата на КФОР останува непроменета, придонес во слободата на движење и безбедносна средина. Ќе продолжиме да ја одржуваме непристрасноста додека работиме за поддршка на развојот на стабилно и мирно Косово, за сите засегнати страни во регионот. Оваа мисија има посебно лично значење за мене.Јас сум привилегиран да служам тука и да ја дадам мојата голема посветеност за безбедна средина за целокупната популација во Косово - посочи Дучиќ.

Запрашан за улогата на КФОР во случај на активирање и апсења од страна на Специјалниот суд тој изјави дека КФОР не е дел од политички процеси, но дека ќе бидат подготвени да одговорат при евентуални немири.

Ник Дучиќ завршил воен колеџ во 2014 година, а магистрирал на Унирвезитетот Мериленд како нуклеарен инженер. Високото образование го започнал на Калифорнискиот политехнички универзитет.