АМЕРИКАНСКИ РЕПУБЛИКАНСКИ СЕНАТОР „БЛОКИРАШЕ“ 40 МИЛИЈАРДИ ДОЛАРИ ЗА УКРАИНА - тој бара инспекции за тоа како ќе се трошат средствата
Објавено во: Свет 13 Мај, 2022
Парите кои се наменети за воена помош за Украина, односно четириесетте милијарди долари, не поминаа на седница во американскиот Сенат. Ова се случи откако републиканскиот сенатор Ренд Пол ја закочи постапка, барајќи смена на договорот, со која инспектори ќе можат да надгледуваат како точно ќе се потрошат овие пари.
Со противењето на Пол усвојувањето на мерката е одложено до следната недела, јавува Ројтерс.
„Ова е втора сметка за трошење за Украина во два месеци. И оваа сметка е три пати поголема од првата“, рече Пол пред официјално да го блокира пакетот помош.
Според него, конгресот само сака да продолжи да троши и да троши.
Сенаторите Шумер и Мекконел му понудија на Пол гласање за амандман за неговиот предлог за кој ќе беше потребна поддршка од 60 од 100-те сенатори за да биде усвоен. Но, Пол ја одби понудата и побара Сенатот да го усвои неговиот амандман пред да гласа за пакетот помош.
Одложувањето на усвојување на мерката за следната недела може да предизвика проблеми за западните земји кои се обидуваат да ја зајакнат Украина во нејзината борба против Русија.
Претходно, Конгресот го усвои нацрт-законот за трошоците во Украина со 368 спрема 57 гласа „за“, а само републиканците гласаа против. Сега мерката треба да помине во Сенатот.