Андреа Јосифовски: За две недели ново поскапување на горивата
Објавено во: Економија 18 Мај, 2018
Андреја Јосифовски, претседател на Управниот одбор на Макпетрол.најави ново поскапување на горивата и дека цените по котацијата од понеделникот повторно покажуваат нагорна линија, така што дизелот треба да се покачи за 1,5 денар а бензинот за еден денар.
Тој, овие негови констатации ги изнесе во интервју за синоќешното издание на “Економски магазин“ на Алсат-м телевизија, емисијата посветена на зголемувањето на цената на дериватите.
- Реално е да се очекува дека цените ќе одат нагоре. И во периодот кога цените паднаа на нивото 28 долари по барел, тоа не беше реална состојба на понудата и побарувачката на пазарот. Да се разбереме. Сурова нафта има доволно за наредните 100 години, меѓутоа политиката го прави своето, рече Андреја Јосифовски. „Со оглед на моменталната состојба, мене ми е жал што морам да кажам, не може да очекуваме ништо добро, бидејќи убеден сум дека цените на нафтените деривати во наредниот период ќе растат“