Андреј Петров: На Ковачевски му реков дека не можам да бидам член на Влада
Објавено во: Македонија 04 Јануари, 2022
Андреј Петров во утринската програма на Телма изјави дека неговото членување во Извршниот одбор на СДСМ не подразбира дека ќе биде во иднина министер во новата Влада на мандатарот Димитар Ковачевски.
- Разговорот кој го имав претходно со Ковачевски беше дека мојот ангажман не подразбира влез во Владата. Имам ангажман во болницата и на факултетот, не сакам ништо да работам површно, рече Петров.
Дерматологот и поранешен генерален секретар на СДСМ додаде дека во Ковачевски има голема енергија за сплотување во владеачката партија.
- Сите големи партии имаат комплексност, не можете со сите да имате еднакво добри односи, интереси и културно-социолошки навики. На добар пат е Ковачевски да успее да ги интегрира сите. Верувам во поединечно разговарање со луѓе кои треба да ги убедите да се приклучат во приказната. Ако ништо друго, од негоа страна има волја и енергија тоа да го направи. Кај него гледам желба да ги вклучи сите, рече поранешниот градоначалник на Карпош.
Додаде дека со министерката за одбрана Радмила Шекеринска не се има видено одамна и дека во текот на следната недела би било гласањето на новата Влада, откако претходно би пристигнала предлог-одлуката во Собранието.
Петров не очекува дека ќе има вонредни парламентарни избори во скоро време.
- Ние како опозиција баравме на секои шест месеци парламентарни избори, а Груевски одеше на избори само кога му одговараше. За да има избори, нема друг механизам освен самите пратеници да го изгласаат тоа. Овој период не е погоден за избори, кои сега не би ги решиле бројните проблеми, подвлекува тој.
Можеби ќе ве интересира
„АКО КОСТАДИНОВ Е ПРОБЛЕМОТ, ЈА ИМАТЕ МОЈАТА ОСТАВКА“: градоначалникот на Струмица бара чиста вода за жителите
ВРЕДИ: 100 ДЕНА НОВИ ПОЛИТИКИ И БОРБА ПРОТИВ СТАРИТЕ НАВИКИ - борба за санкционирање на сите кои се огрешиле
ПОЧИНАТ ВЕЛЕШАНЕЦ (43) ПРОНАЈДЕН ВО ЦЕНТАРОТ НА СКОПЈЕ - причините за смртта мистерија
ОТКРИЕНИ МАНГАН И БАКТЕРИИ ВО СТРУМИЧКИОТ ВОДОВОД - издадена наредба граѓаните да не ја користат водата
ОБИД ЗА УБИСТВО НА МАЛОЛЕТНИК: напаѓачот е во притвор - го расекол со скалпел кај вратот
„ИЗГРАДБАТА Е СТОПИРАНА“ Љутков: Скопје во 2028 година ќе има Универзална сала - на законски и легален начин
ЌЕ ГО СЛЕДИМЕ ОТКУПОТ НА ОРИЗ: Трипуновски вети заштита од злоупотреби и манипулација
ДЕСЕТТИ ХУМАНИТАРЕН ПИКНИК ЗА ВРАБОТЕНИТЕ НА „АЛКАЛОИД“: ОКОЛУ 2 МИЛИОНИ ДЕНАРИ ЗА ОРГАНИЗАЦИЈАТА СОС ДЕТСКО СЕЛО
„НЕМАЛО ЧАД, САМО ПАРЕА“: патниците ги фатило паника, велат од компанијата која ги превезувала
