Ангелов: Можам да кршам керамиди и сега, треба да престанеме да се смееме
Објавено во: Македонија 03 Декември, 2020
Стојанче Ангелов, директорот на ЦУК во своето гостување во Студио 10, на новинарско прашање, што беше полесно да кршите ќерамиди со глава или да ја водите оваа институција вели:
„Сега може ќе продолжам да кршам ќерамиди, ама со повеќе грижи. Затоа сакам да кажам дека ниту тогаш не бев безгрижен. Такашто ако и сега кршам ќерамиди тука, гледаноста ќе биде хит. Некој сфати сериозно, некој како шега. Но, сега во државата треба да престанеме да се смееме, треба да бидеме активни во битката со болеста“.
Како што додаде тој, ситуацијата со пандемијата во нашата земја полека доаѓа во контрола.
„Нема потреба спортските сали да ги претвориме во болници. Ние имаме уште неколку приватни и државни болници кои можеме да ги пренамениме во ковид-центри. Ние имаме уште една приватна болница која може да биде искористена во ковид-центар. Имаме целосна контрола, верувам на нашите доктори“, смета Ангелов.