24 Јануари, 2020
0.0192

Ангеловска-Бежоска на тркалезна маса со Тао Жанг од ММФ

Објавено во: Македонија 16 Јули, 2019

Дискусија за предизвиците на пазарот на труд и влијанието на демографските трендови

Гувернерката на Народната банка, Анита Ангеловска-Бежоска, учествуваше на тркалезна маса со Тао Жанг, заменикот на директорката на Меѓународниот монетарен фонд (ММФ), Кристин Лагард, којашто се одржа во неделата, во Дубровник, Хрватска. Настанот беше организиран во рамки на втората заедничка конференција на Хрватската народна банка и ММФ, насловена „Демографијата, вработувањето и растот: Управување со иднината во Централна, Источна и Југоисточна Европа“, на којашто учествуваа гувернери на централни банки и министри за финансии од регионот, претставници на Светската банка, Европската комисија, Банката за меѓународни порамнувања и на други меѓународни институции, како и угледни експерти од универзитетите во Оксфорд, Лондон и Тарту. Дводневното конференциско издание беше посветено на пазарот на трудот и демографските предизвици, иднината на работната сила и политиките коишто се потребни за одржлив економски раст и достигнување на нивоата на доход во развиените земји од Западна Европа.

Во овој контекст, и на тркалезната средба со високиот претставник на ММФ, Жанг, на која учествуваа петнаесетина гувернери на централни банки и министри за финансии од земји од Централна, Источна и Југоисточна Европа, акцентот беше ставен на предизвиците на пазарот на трудот. Притоа беше нагласено дека по глобалната криза има забавување на економскиот раст на земјите од регионот коешто е одраз не само на циклични, туку и на структурни фактори. Тоа се согледува преку понискиот потенцијален раст како резултат на понискиот придонес на сите долгорочни фактори на растот, вклучително и на трудот, во услови на неповолни демографски и емиграциски трендови.

Гувернерката Ангеловска-Бежоска се осврна и на состојбите на пазарот на труд во нашата економија, истакнувајќи дека тековно се забележува континуиран раст на работоспособното население и раст на вработеноста, но дека според проценките на меѓународните институции, на среден рок се очекува забавување на тој раст. Тоа наметнува потреба од особена внимателност и од таргетирано делување на пазарот на труд и кај нас, преку натамошно спроведување активни политики и мерки насочени кон пазарот на труд, подобрување на квалификуваноста на работната сила, но и поопшто, спроведување структурни реформи и јакнење на институциите, со што ќе се забрза процесот на конвергенција кон повисоки нивоа на доход.

Високиот претставник на ММФ, Жанг и учесниците на тркалезната маса заеднички заклучија дека намалувањето или бавниот раст на  работоспособното население во услови на неповолни демографски движења и емиграција претставува предизвик за сите земји во регионот на ЦИЈЕ. Тоа упатува на потребата од преземање повеќе мерки за зголемување на стапката на активното население, особено на жените, продолжување на животниот век на населението, зголемување на квалификуваноста на работната сила, како и поттикнување иновации и автоматизација.

Гувернерката Ангеловска-Бежоска го искористи своето учество на значајната конференција на Хрватската народна банка и ММФ, којашто заврши вчера, и за билатерални средби со своите колеги од регионот, како и со претставници на меѓународните институции.


Можеби ќе ве интересира

Israir Airlines од летово ќе лета меѓу Тел Авив и Скопје

Israir Airlines од летово ќе лета меѓу Тел Авив и Скопје

Ангелов: Верувам дека Мицкоски му должи на Груевски затоа што е поставен за претседател на партијата

Ангелов: Верувам дека Мицкоски му должи на Груевски затоа што е поставен за претседател на партијата

Дескоска номинирана за член на Венецијанската комисија

Дескоска номинирана за член на Венецијанската комисија

Ќе останат ли должните јавни претпријатија со куси ракави - отписот на камати засега блокиран

Ќе останат ли должните јавни претпријатија со куси ракави - отписот на камати засега блокиран

СВЕДОШТВА: Армија граѓани останале со „дупки во стажот“ – ќе има ли одговорност?

СВЕДОШТВА: Армија граѓани останале со „дупки во стажот“ – ќе има ли одговорност?

Шарл Мишел денеска за прв пат во Македонија, посета за уште едно охрабрување на земјата

Шарл Мишел денеска за прв пат во Македонија, посета за уште едно охрабрување на земјата

Земјотрес го стресе Ресен

Земјотрес го стресе Ресен

ФОКУС НА ДЕНОТ: Се кршат копја за Законот за ЈО, адвокатите на Јанева не се појавија на судење

ФОКУС НА ДЕНОТ: Се кршат копја за Законот за ЈО, адвокатите на Јанева не се појавија на судење

Заев: Не држат тезите дека преку Законот за ЈО некој се обидува да амнестира случаи

Заев: Не држат тезите дека преку Законот за ЈО некој се обидува да амнестира случаи