АНГЕЛОВСКА ЗА ПЛАТЕЖНАТА КАРТИЧКА: Ќе им помогне на погодените и ќе ја намали сивата економија
Објавено во: Финансии 25 Мај, 2020
Владата смета дека со домашната платежна картичка што ќе ја добијат дел од граѓаните, не само што ќе им помогне на оние кои имаат потреба од средства, туку ќе ги зголеми и безготовинските плаќања и ќе го намали ризикот од сивата економија.
Министерката за финансии Нина Ангеловска вели дека сега имаме шанса да фатиме побрз чекор во безготовинското општество, кое е дел од современиот дигитален свет.
„Безготовинско општество значи и општество со помала сива економија. Затоа домашната платежна картичка не само што ќе им помогне на оние кои им е потребно туку и ќе го забрза патот кон безготовинско плаќање и ќе влијае кон промена на навиките“, пишува на фејсбук Ангеловска.
Според неа, домашната платежна картичка ќе ја стимулира приватната потрошувачка и ќе го амортизира ударот врз економијата на краток рок, но исто така ,таа ќе има ефекти и на долг рок: поддршка на граѓаните со пониски примања и ранливите категории, поддршка за опоравување на економијата преку поттикнување на приватната потрошувачка, поддршка за домашните фирми преку купување домашни производи и услуги, поддршка во борбата против сивата економија и менување на навиките за безготовински плаќања.„На кус рок картичката ќе им помогне на оние кои имаат потреба. На подолг рок, ќе овозможи да се зголемат безготовинските плаќања и намалување на ризикот за неформална економија. Исто така, со домашната платежна картичка, државата ќе добие еден нов инструмент, со кој ќе има можност понатаму да интервенира и во друг погоден сектор, каде што ќе се сака да се насочи приватната потрошувачка“, пишува Ангеловска.
Можеби ќе ве интересира
ОВА СЕ ЧЕТИРИТЕ НАЈГОЛЕМИ УЛТРА ИНТИМНИ ВИП НАСТАНИ КАДЕ ОДАТ НАЈБОГАТИТЕ: Тука тешко е да присуствува обичен човек
РАБОТАТ ОД ДОМА, А СААТНИЦАТА ДОСТИГНУВА 200 ЕВРА: Ова е список на работни места за кои многумина сонуваат
МАКЕДОНЦИТЕ ПОЧНАА МАСОВНО ДА ОДАТ ВО ГРЦИЈА: Еве ги цените во предсезоната
АМЕРИКА МОЖЕ ДА СЕ СООЧИ СО СТАГФЛАЦИЈА: директорот на JPMorgan Chase предупредува „економијата на САД се враќа на проблемите од 70-тите“
ВТОР МЕСЕЦ ПО РЕД ПАЃААТ - проесечната нето плата 39.276 денари, еве во кои сектори има најголемо намалување
АКО ВЕЌЕ „ГЛАВАМ“ ВО БАНКА, БАРЕМ НЕКА БИДЕ ЗА ДА СИ КУПАМ СТАН - голем пораст на станбените кредити, еве колку должат граѓаните
ДА СЕ ОДАНОЧАТ ТРИТЕ ИЛЈАДИ НАЈБОГАТИ ВО СВЕТОТ, А ПАРИТЕ ДА ОДАТ ДИРЕКТНО КАЈ СИРОМАШНИТЕ - еве го планот на една нобеловка
ЕВЕ КАДЕ ГИ ВЛОЖУВААТ СВОИТЕ ПАРИ 0,001 ПРОЦЕНТ ОД НАЈБОГАТИТЕ: Живеат поинаку од остатокот од светот
ДЕНАРОТ ГО „ПРЕТРКА“ ЕВРОТО, ИСТОРИСКИ МИГ ЗА ГРАЃАНСКИТЕ ЗАШТЕДИ - колку пари чуваат македонските граѓани во банка
