АНГЕЛОВСКА ЗАДОВОЛНА - многу развиени земји се зад нас на Дуинг бизнс
Објавено во: Финансии 26 Октомври, 2019
И покрај падот од седум места, Владата е задоволна од најновото рангирање на земјава на 17 место на Дуинг бизнис 2020.
Македонија е најдобро рангирана во регионот и пред многу земји од Европската унија и затоа не може да се зборува за пад, изјави денеска министерката за финансии Нина Ангеловска за новинарите.
„Не станува збор за пад. Зависи како се гледа и толкува. Добро е кога се споредуваме да ги видиме сите параметри. Македонија е се уште најдобро рангирана во регионот. Ако ги погледнете сите земји од регионот ние сме далеку највисоко поставени. Од друга страна ако се споредиме со членките на ЕУ, 24 земји се под нас. Затоа не може да се зборува за пад. Ако ја видиме листата, ќе видиме колку развиени земји се зад Македонија. Резултатите кажуваат дека сме лидери во регионот и во Европа во однос на условите за основање и водење бизнис, изјави Ангеловска.
Таа најави дека Владата ќе направи анализи и ќе работи на натамошно поодбрување на сите периметри.