Анѓушев: Исплата на помош до 25 декември
Објавено во: Економија 19 Март, 2019
Кочо Анѓушев, вицепремиерот за економски прашања, на денешната средба со стопанските комори во Владата најави нов Закон за финансиска помош со кој ќе им се помага не само како досега на индустријалците, туку и на преработувањето на земјоделските производи и секторот за изработка на софтвер, како и на трговците кои сакаат да произведуваат,
Според Анѓушев, средствата ќе се зголемат за таа цел за 47 отсто во однос на законските решение што се нудат од мај лани, а и постапката за аплицирање ќе биде пократка. Тој најавува и помош за претпријатијата во текстилната и кожарската дејност под услов во наредните години да ги зголемат приходите, односно да не ги намалат вработените.
- Повторно законот е фокусиран на индустријата, на производните линии, но сега се овозможува поширок опфат. Се менува и делот на аплицирање. Аплицирањето беше до 31 јули, сега го прошируваме да може да се аплицира до 30 септември за да може компаниите посоодветно да ги подготват своите апликации, а исплатата на финансиската помош за претходната година ќе биде до крајот на буџетската година, до 25 декември, рече Анѓушев.
Наведе дека за лани биле потрошени сите средства предвидени со буџетот од околу 35 милиони денари за 250 компании, од кои сто домашни компании директно по Законот за финасиска поддршка на инвестициите.