Анѓушев од Велес: Македонија нема млади за извоз
Објавено во: Мои пари 24 Септември, 2018
Гласот ЗА на 30 септември е глас за економски стабилна и просперитетна иднина порача Вицепремиерот Кочо Анѓушев во обраќањето на трибина на коалицијата „Излези за европска Македонија“ пред граѓаните на Велес.
„Бугарија која беше земја во развој на пониско економско ниво од Македонија го препозна моментот и влезе во Европска Унија пред нас. И додека таму растеа платите, растеше цената на метар квадратен ние што правевме, влеговме во политички превирања и дебати. Ние мора сега да ја искористиме шансата што ни се нуди, затоа што шансите не се повторуваат. Само со поканата за влез во НАТО и ЕУ, нивото на странските инвестиции достигна рекордно ниво од 327 милиони евра во прво полугодие, а со влезот тие уште повеќе ќе се зголемуваат”, изјави Анѓушев.
Тој порача граѓаните да излезат на гласање затоа што немаме млади за извоз, туку имаме млади кои ќе креираат производи за извоз.