Анѓушев побара од „Бауер“ да дава повеќе од 200-300 евра плата
Објавено во: Економија 07 Декември, 2018
Владата го потпиша договорот за субвенционирање со швајцарската компанија Баумер, која гради свој капацитет во ТИРЗ Скопје 1 во Бунарџик, а вицепремиерот Кочо Анѓупев побара од новиот странски инвеститор да дава поголеми плати од 200-300 евра..
- Како Влада сме посветени да направиме брза и квалитетна индустријализација на Макеоднија, но не со трудоинтензивни дејности во кои вработените земаат по 200 до 300 евра плата, туку со високотехнолошки развиени компании какви што се обидуваме и успеваме да привлечеме во државата во последно време. Во нив ќе работат претежно инженери и ќе дадеме шанса на нашите млади и високообразовани кадри да останат во нашата држава за солидни плати и солиден стандард. Само така ќе обезбедиме иднина за нашата држава и за нашите млади генерации. Очекувам компанијата Баумер да има сериозен придонес во тоа, рече Анѓушев по потпишувањето на договорот.
Баумер произведува индустриски сензори и процесни мерни инструменти. Во Македонија планира да инвестира околу девет милиони евра во три фази во својот објект во кој ќе вработат околу 350 луѓе.