Анѓушев во проверка на пругата која по 32 години ќе воспостави редовен железнички сообраќај
Објавено во: Економија 21 Ноември, 2018
Вицепремиерот Кочо Анѓушев задолжен за економски прашања и министерот за транспорт и врски Горан Сугарески денеска ќе извршат увид во изградба на железничката пруга Битола – Кременица.
Пругата е со должина од 16 километри, а инвестицијата е во вредност од 17,2 милиони евра. Од нив шест милиони евра се грант од Европската Унија, а 11 милиони евра се обезбедени од буџетот на Република Македонија.
Железничката пруга која ги поврзува Република Македонија и Република Грција од страната на пелагонискиот регион, е стратешки проект на Владата со кој се очекува после 32 години, соседните држави повторно да воспостават редовен железнички сообраќај.
Градежните работи на пругата од Битола до Кременица ги врши компанијата STRABAG Rail Gmbh во конзорциум со STRABAG AG од Австрија.