Анѓушев за ВМРО-ДПМНЕ: Мислам дека ја имаат изгубено ориентацијата
Објавено во: Економија 08 Ноември, 2018
Се надевам дека ќе се обезбеди поголемо мнозинство кога ќе дојде до третото гласање, изјави вицепремиерот Кочо Анѓушев вечерва во Само вистина на Канал 5 зборувајќи за странските инвестиции.
„Мислам дека ја имаат изгубено ориентацијата. Еднаш се залагаат за едно, друг пат за друго“, вели тој.
Анѓушев кажа дека не знаел дека Северна Македонија ќе биде прифатено од Грците, иако претходно пред да се појави решението на повидок, даде изјава каде го спомна ова име.
Смета дека придобивките се поголеми, од цената која Македонија ќе ја плати.
„Никој мене не може да ми забрани да бидам Македонец, никој мене не може да ми забрани да зборувам македонски јазик“, рече Анѓушев.
Ние не правиме театар од тоа, изјави вицепремиерот Анѓушев зборувајќи за странските инвестиции.
Тој рече дека има 16 инвестиции досега. Вели дека не треба работите да ги гледаме популистички и да се свртат кон реалната економија.