АНКЕТА: Дали Србите веруваат дека Косово е изгубено?

Добивај вести на Viber

Aнкета покажа дека Србите се свесни дека нивната земја нема моќ на Косово и за повеќето реална иднина е независност на Косово, а најдобро решение гледаат во суштинска автономија во рамките на Србија, иако не се подготвени за лични одрекувања за таа цел. 

Претставникот на Ипсос стратеџик маркетинг, Срѓан Богосављевиќ изјави дека граѓаните немаат цврсти и конзистентни ставови за Косово туку дека врз нив влијаат поединечни настани и емоции, но и ставовите на околината.

Петина од граѓаните веруваат дека Косово ќе стане независно во иднина, односно дека моменталната состојба ќе се одржи, додека 11 отсто испитаници сметаат дека најдобро решение е останување на Косово во составот на Србија како суштинска автономија, иако не знаат што поразбира тоа.

На прашањето дали Србија треба да се држи до процесот на евроинтеграција по цена на признавање на независноста на Косово, 42 отсто испитаници кажале дека Косово е загубено и дека треба да се фокусира на евроинтеграциите. Анкетата покажува дека 36 отсто граѓани сметаат дека Србија нема никаква корист од ЕУ и  дека не треба да прави компромиси во однос на Косово.

И претходно анкетите покажувале дека Србите не се расположени да војуваат за Косово.