15 Ноември, 2019
0.0256

АНКЕТА: Скоро 40 проценти од граѓаните го поддржуваат Договорот со Бугарија

Објавено во: Македонија 20 Октомври, 2019

Скоро 40 проценти од граѓаните го поддржуваат Договорот за добрососедство со Бугарија, покажува најновото истражување на јавното мислење што го направи Институтот за политички истражувања по барање на емисијата „Детектор“.

Според резултатите од истражувањето, 39,6 проценти од анкетираните даваат поддршка за Договорот, а 31,2 проценти се „против“. За Договорот не слушнале 13,7 проценти, а 15,6 проценти немале одговор.

Во споредба со анкетата што беше спроведена во февруари годинава исто така за потребите на „Детектор“, се бележи намалување на оние кои подрржуваат и на оние кои се против за сметка на бројот на индиферентни граѓани кои или не слушнале за договорот или пак немаат одговор.

– Треба да се има предвид дека анкетата е спроведена на почетокот на месецов, односно уште пред Бугарија да го испорача својот последен сет услови во рамките на т.н. „Рамковна позиција“ што се очекува дополнително да влијае на резултатите, велат од „Детектор“.

Околу 42 проценти од анкетираните очекуваат Договорот да ги унапреди односите со Бугарија, а 28,5 проценти се убедени во спротивното, додека 29,7 проценти немаат одговор на ова прашање. Во споредба со анкетата од февруари, има значително намалување на бројот на граѓани кои очекуваат унапредување на односите меѓу двете земји по склучувањето на Договорот.

Граѓаните најмногу се противат на ревизијата на учебниците, односно 49 проценти од анкетираните сметаат дека овој компромис е неприфатлив, а за 24,6 отсто се изјасниле дека ревизијата на учебниците е прифатлива. 26,4 проценти од граѓаните немаат одговор на ова прашање.

За 46,7 проценти од граѓаните неприфатлив е и компромисот нашата држава да гарантира дека нема да се залага за правата на македонското малцинство во Бугарија, а 27 проценти од граѓаните овој компромис е прифатлив. 26,2 проценти немаат одговор.

Во однос на заедничката прослава на настани и личности, речиси и да нема промени во однос на февруарската анкета. И тогаш, и сега, за околу 41,5 проценти од граѓаните овој компромис е неприфатлив. а 32,5 проценти е прифатлив. Без одговор на ова прашање се 25,9 проценти од анкетираните.

Речиси една третина од граѓаните имаат донекаде позитивно мислење за соседна Бугарија. За ваков одговор се определиле 30,3 проценти од анкетираните. 22,3 проценти имаат позитивно мислење, 18,6 проценти донекаде негативно а 15,5 проценти негативно лично мислење за источниот сосед.

Три четвртини од граѓаните сметаат дека Гоце Делчев е Македонец, односно 75 проценти од анкетираните имаат ваков став, додека 4,6 проценти сметаат дека тој е етнички Бугарин. 4,9 проценти имаат мислење дека тој е и Македонец и Бугарин, а 15,5 проценти не одговориле на ова прашање.

Над 60 проценти не би се согласиле Гоце Делчев да се слави како национален херој и на Македонија и на Бугарија, а 23,7 проценти немаат ништо против заедничко славење. Поголем процент од анкетираните односно 58 отсто не се согласуваат Делчев да се слави како херој на двете земји дури и по цена на тоа земјава да добие поддршка од Бугарија во процесот на ЕУ интеграција.

Од вкупно анкетираните, 39 проценти сметаат дека без договор на македонско – бугарската комисија за историски и образовни прашања, Бугарија нема да го поддржи процесот на интеграција на нашата држава во ЕУ, додека 30 проценти очекуваат поддршка.

Мнозинството граѓани сметаат дека Договорот со Бугарија треба да остане. Ваков став имаат 38,3 проценти од анкетираните, додека 32,8 проценти сметаат дека Договорот треба да се поништи.

Анкетата е спроведена во периодот од 4 до 7 октомври врз репрезентативен примерок од 1.106 испитаници, со маргина на грешка од плус – минус 3 проценти.

Можеби ќе ве интересира

Канцероген воздух дишат граѓаните на два македонски града

Канцероген воздух дишат граѓаните на два македонски града

Земјотрес од 3.9 степени во Западна Македонија

Земјотрес од 3.9 степени во Западна Македонија

Во импровизирана дрвена барака во Тетово изгоре маж

Во импровизирана дрвена барака во Тетово изгоре маж

Невладините на средба со Пендаровски испорачаа барања за почиста средина

Невладините на средба со Пендаровски испорачаа барања за почиста средина

Дескоска до судиите: Барате само пари, а не го осудувате криминалот во ваши редови

Дескоска до судиите: Барате само пари, а не го осудувате криминалот во ваши редови

Пендаровски: Многумина сметаат дека Брисел се подбива со малите земји на Балканот

Пендаровски: Многумина сметаат дека Брисел се подбива со малите земји на Балканот

Ременски потврди дека Обвинителството пронашло документи за злоупотреби кај нејзе дома

Ременски потврди дека Обвинителството пронашло документи за злоупотреби кај нејзе дома

Старото „Матично“ ќе биде за извидници

Старото „Матично“ ќе биде за извидници

Заев и Шекеринска во Шведска - поддршка за евроинтеграциите

Заев и Шекеринска во Шведска - поддршка за евроинтеграциите