Апасиев: Дочекавме судии да одговараат пред приправници!
Објавено во: Македонија 05 Декември, 2022
Изборот на новата претседателка на Судскиот совет Весна Дамева, го искоментира и претседателот на Левица, Димитар Апасиев. Тој вели дека СДСМ овој пат го направиле невозможното возможно.
„Судски службеник од Основен суд (стручен соработник на Кацарска) и член на Правната комисија на СДС – избрана за претседател на Судскиот совет кој ги бира судиите и пред кого тие одговараат дисциплински!? Значи, да повториме: дочекавме судии да одговараат пред приправници! Браво за СДС на Нашата Земја кои и невозможното го прават возможно“, коментира Апасиев.
Дамева беше единствен кандидат и за неа гласаа за 10 членовите на советот, против беше единствено Лорета Георгиева, судијка од Струмица. Таа од пред 3 години е член на Судскиот совет.
Новоизбраната претседателка на Судскиот совет на Република Северна Македонија, Весна Дамева порача дека злото наречено корупција мора да се сузбие и дека нема место и втора шанса за корумпиран судија.