Добивај вести на Viber
Партијата Левица денеска се пофали дека нивниот јавен притисок ја натерал Владата да ја набави вакцината Спутник В.
„Нашиот пратеник - Димитар Апасиев, уште пред Нова година, на седницата за пратенички прашања го праша министерот за здравство Венко Филипче, зошто навреме, односно уште во месец септември 2020 година, кога за тоа имало организирано комуникација, не се стапило во контакт со руските институции, за обезбедување на вакцината Спутник В?
Прашање е, зошто се чекаше толку долго, кога можевме да ја имаме оваа вакцина уште пред шест месеци!?
Со ова на фејсбук се пофали и лидерот на Левица Димитар Апасиев, кој напиша.
„Само у врат дишење за да работите...“, вели Апасиев, обраќајќи и се на Владата.
Апасиев го сподели и својот говор, односно пратеничко прашање во Собранието поставено до минисерот Венко Филипче, кое датира од крајот на минатата година.
„Дали министре е вистина информацијата што ја чувме од економскиот советник на руската амбасада во земјава, кој вели дека во септември лани, преку вас, сте му дале лице за контакт, извесна Александра Грозданова, шеф на Националниот комитет за имунизација при МЗ да стапи во контакт со нивниот Фонд за директни инвестиции за обезбедување на руската вакцина.
Дали е вистина, и ако е, зошто не е исконтактирано, бидејќи еве сега дознаваме дека преку ковакс меганизмот на СЗО ние ќе добиеме иста таква вакцина дури во март годинава, што значи дека доцниме шест месеци, а сме можеле да ја имаме дури пред шест месеци“, прашал тогаш Апасиев.