Арафат Муареми задоволен од тоа што Рускоска ќе биде разрешена

Добивај вести на Viber

Стручноста и интегритетот се основа на секој професионалец и верувам дека при процесот на одлучување тоа биле основните параметри кои во овој случај се ценеле од страна на комисијата, рече поранешниот директор на финансиската полиција, Арафат Муареми во изјава за „Алсат“ по одлуката на дисциплинската комисија во Јавното обвинителство, со која се препорачува Вилма Рускоска да биде разрешена од обвинителската позиција,

„Јавнообвинителската функција постои за да се почитува законот и неговата ефиканост, а не обратно. Секоја злоупотреба треба да биде соодветно санкционирана и одговорност за секое незаконско постапување мора да има“, искоментира Муареми.

Поранешната шефица на обвинителството за организиран криминал и корупција вчера во краток коментар рече дека не смета оти е поразена и најави борба со сите средства.

- Ќе се борам до крај со сите средства - истакна таа и додаде дека оваа одлука била донесена одамна, бидејќи не и биле прифаќани сведоци и докази.

Таа влезе во судир со екс директорот на Управата за финансиска полиција, Арафат Муареми, кога нареди претрес на просториите на финансиска полиција. Тогаш Муареми беше дел од предистражна постапка. Тој се пожали дека бил под притисоки дека одлуката за претрес била нелегална, односно, со неправилности. Тогаш главниот обвинител љубомир Јовески, ја суспендираше Рускоска, а Муареми поднесе оставка. вели Русковска за порталот, додавајќи дека одлуката била донесена одамна, уште кога таа била на сослушување во Обвинителството.