Арбр Адеми е за настава со физичко присуство
Објавено во: Македонија 30 Септември, 2020
Екс министерот за образование и наука, Арбер Адеми во гостување на ТВ24 изјави дека останува на ставот дека учебната година треба да биде со физичко присуство на учениците.
„Секако дека останувам на тој став и уште тогаш како министер реков дека организирање и реализирање на учебната година со физичко присуство нема замена и треба храбар чекор да преземеме во овој правец и да очекувме кои ќе бидат предизвиците од организирање на наставата со физичко присуство“, рече Адеми.
Во овој период, вели дека меѓуинституционалната соработка е клучна особено со Министерството за здравство и Комисијата за заразни болести и дека очекува и посакува наставата да се организира со физичко присуство.
Додаде дека Министерството за образование и наука е една од најтешките институции за раководење и затоа и посака среќа на министерката Мила Царовска.