АРНАЛ: ЗА НАМАЛЕНИ ЕМИСИИ, ПОТРОШУВАЧКА НА ЕНЕРГИЈА И ПОДОБРИ ГРАДБИ ТРЕБА ДА СЕ ПРИМЕНИ БИМ ВО ГРАДЕЖНИШТВОТО
Објавено во: Економија, Македонија 05 Април, 2020
Градежниот сектор најмногу доцни со модернизација и дигитализација на процесите што е главна пречка за поефикасно користење на ресурсите, подобро планирање на градбите, зголемување на енергетската ефикасност, а со тоа и намалување на емисиите кои се директни предизвикувачи на климатските промени. Шпанскиот БИМ експерт Игнаси Перез Арнал во интервјуто открива како градежништвото може да стане одржливо и да даде придонес во #КлиматскатаАкција
Во последните декади градежниот сектор е еден од најактивните бизнис сектори во државата. На глобално ниво градежните активности значително се модифицираат во линија на глобалните пазарни побарувања, но и од аспект на штедење енергетски ресурси, овозможување пасивно функционирање на градбите и зголемена свесност како во јавниот така и во бизнис секторот. Игнаси Перез Арнал, основачот на БИМ Академијата во Шпанија, ја истакнува важноста и придобивките од користењето на еден ваков модел. Како дел од ТРАИНЕЕ проектот од европската програма Хоризонт 2020, во последните неколку месеци тој редовно одржува семинари за одржливи енергетски системи на градење. Тимот на КлиматскиПромени направи интервју со цел да дознае какви се потребите за воведување дигитализација во градежниот сектор, новите алатки, модели и софтвери, кои ќе овозможат подобро дизајнирање и планирање на енергетски ефикасните градби.