АРСОВСКА ГИ ИГНОРИРА МАКИТЕ НА СКОПЈАНИ: СДСМ обвинува дека градоначалничката само бара оправдувања
Објавено во: Македонија 15 Јануари, 2022
Владејачката СДСМ
обвинува дека градоначалничката на Скопје наместо да помогне во справувањето со
топлинската енергија на граѓаните, таа само наоѓа оправдувања.
-Данела Арсовска целосно ги игнорираше маките на скопјани околу кризата со топловодна енергија и наместо да помогне преку Град Скопје, таа бараше оправдувања. Арсовска уште еднаш покажа дека за неа не се битни интересите на граѓаните дека ѝ се важни само личните и партиски интереси, соопштува денеска СДСМ.
Од партијата наведуваат и дека „за разлика од негрижата на Арсовска и на ВМРО-ДПМНЕ, Владата предводена од СДСМ најде решение кое обезбедува топли радијатори за скопјани“.
-До крај на грејната сезона се планира целокупната произведена електрична енергија од ТЕ-ТО да ја превземе АД ЕСМ со што ке има доволно топлинска енергија за БЕГ. АД ЕСМ ќе го менаџира целокупното финансиско работење на БЕГ преку посебна сметка и за истото ке доставува извештаи до Владата. АД ЕСМ веќе поседува лиценци за топлинска енергија. Со одговорен транспарентен пристап Владата предводена од СДСМ не дозволи над 50.000 домаќинствата во Скопје да останат без греење, велат од СДСМ.