19 Март, 2024
0.0310

Арсовска и Муцунски претставија проект за ИТ-центар во Општина Аеродром

Објавено во: Македонија 20 Октомври, 2021

Добивај вести на Viber

Кандидатот за градоначалник на Скопје, Данела Арсовска заедно со новоизбраниот градоначалник на Општина Аеродром, Тимчо Муцунски го претставија проектот за создавање на Центар за софтверски инженеринг и хаб за иновативни ИТ компании во Аеродром. Арсовска рече дека создавањето на овој центар е приоритетно и затоа средствата што досегашниот градоначалник ги планирал за создавање нови луксузни канцеларии за себе, ќе бидат наменети за реновирање на простории и создавање услови за развој на младите луѓе.

„Од оваа локација ја претставуваме нашата визија за модерно Скопје. Ова е една заедничка заложба на оваа површина да биде идниот центар што ќе има за цел да работи на градење на ИТ потенцијалите, особено на територијата на Општина Аеродром, меѓутоа и центар којшто ќе биде посветен на најбрзо растечката индустрија во градот Скопје, кој ќе овозможи за младите скопјани да имаат дом каде ќе можат да работат на своите проекти. Ова ќе биде значајно за градот Скопје и верувам дека со оние средства кои од градоначалникот во заминување беа планирани за купување на луксузни канцеларии за него, сега во овој случај дел од тие средства ќе бидат наменети за овој ИТ хаб во којшто ќе имаат можности сите млади луѓе да ги реализираат своите потенцијали во делот на софтверски инженеринг, да работат на својата надградба и наобразба. Сето она што сакаат да го направат и кои функционираат во најбрзо растечката индустрија во светот, ќе можат да го реализираат со поддршка на град Скопје. Моја искрена желба е како градоначалник на Скопје, заедно со Муцунски како градоначалник на Аеродром, да овозможиме идеите и визиите кои ги имаат младите луѓе да се реализираат. Ќе бидеме тука за нив и да им ги овозможиме најдобрите услови за тоа", изјави Арсовска.

Со овој проект, како што беше речено, ќе се реновира објектот што е во владение на општината и во него ќе биде сместен ИТ центарот за развој на младите луѓе во сферата на информациските технологии, со што Аеродром ќе стане центар за иновации и за претприемништво во Скопје.

„За сите оние на кои им е потребна институционална и финансиска поддршка за да ги развиваат своите идеи, Аеродром ќе стане центар за иновации и за претприемништво на територијата на Скопје. Ние сме навистина горди што е препознаена специфичноста на нашата општина од гледна точка на демографија и да им ветиме на граѓаните дека откако формално правно ќе ги преземеме обврски, нашиот тим составен од квалитетни луѓе посвето ќе работи на тоа. Влегуваме со многу позитивна енергија и ветуваме дека уште веднаш ќе се почувствуваат промените кои ги најавивме во текот на кампањата и ќе бидеме какви што бевме во кампањата - фокусирани на проектите и на развојот", истакна Муцунски.

Можеби ќе ве интересира

(ВИДЕО) Општина Ѓорче Петров уриваше хангар на државно земјиште

(ВИДЕО) Општина Ѓорче Петров уриваше хангар на државно земјиште

СЕЗОНЦИ НА РАБОТА ВО СТРАНСТВО: Имаат ли време за плажа и шетање?

СЕЗОНЦИ НА РАБОТА ВО СТРАНСТВО: Имаат ли време за плажа и шетање?

КОВАЧЕВСКИ ЗНАЕ ДА ПРАВИ МУСАКА И ПОДВАРОК, ЧИСТЕЊЕТО ДОМА Е НЕГОВА ОБВРСКА, АМА КОШУЛИ НЕ ЗНАЕ ДА ПЕГЛА: Обожава сарма, а правосмукалката е машка работа

КОВАЧЕВСКИ ЗНАЕ ДА ПРАВИ МУСАКА И ПОДВАРОК, ЧИСТЕЊЕТО ДОМА Е НЕГОВА ОБВРСКА, АМА КОШУЛИ НЕ ЗНАЕ ДА ПЕГЛА: Обожава сарма, а правосмукалката е машка работа

КОМУ НЕ МУ ОДГОВАРА АНТИКОРУПЦИСКА ДА ИМА ПОДАТОЦИ ЗА СЛУЖБЕНИТЕ ВОЗИЛА? Само 300 од 1.500 институции доставиле податоци за возилата што ги користат

КОМУ НЕ МУ ОДГОВАРА АНТИКОРУПЦИСКА ДА ИМА ПОДАТОЦИ ЗА СЛУЖБЕНИТЕ ВОЗИЛА? Само 300 од 1.500 институции доставиле податоци за возилата што ги користат

НЕ Е САМО СЛАВЧО, И БАЛКАНСКИТЕ МЕТЕОРОЛОЗИ НАЈАВУВААТ СТУД И СНЕГ: Среда и наредниот викенд не очекува драстичен пад на температурите

НЕ Е САМО СЛАВЧО, И БАЛКАНСКИТЕ МЕТЕОРОЛОЗИ НАЈАВУВААТ СТУД И СНЕГ: Среда и наредниот викенд не очекува драстичен пад на температурите

ФАКТОР НА ДЕНОТ: Стејт Департментот ги стави Катица Јанева и Стевче Јакимовски на црната листа

ФАКТОР НА ДЕНОТ: Стејт Департментот ги стави Катица Јанева и Стевче Јакимовски на црната листа

ПЕНДАРОВСКИ: Ниту јас, ниту мојот Кабинет сме користеле некогаш странски компании за правење на анкети

ПЕНДАРОВСКИ: Ниту јас, ниту мојот Кабинет сме користеле некогаш странски компании за правење на анкети

СТЕВЧЕ ЈАКИМОВСКИ: И Америка и Свети Америка, јас работам во интерес на граѓаните на Македонија

СТЕВЧЕ ЈАКИМОВСКИ: И Америка и Свети Америка, јас работам во интерес на граѓаните на Македонија

ВМРО-ДПМНЕ ДО СДСМ: Каде им се сега маичките со ликот на Јанева?

ВМРО-ДПМНЕ ДО СДСМ: Каде им се сега маичките со ликот на Јанева?