АРТОН ЛЕНА Е ОТПОВИКАН ОД МЕСТОТО ИЗВРШЕН ДИРЕКТОР ВО ВФП ФОНД МЕНАЏМЕНТ - на негово место доаѓа Андријана Поповска
Објавено во: Финансии 27 Септември, 2022
Промени во органите на управување, како и статусни промени се случиле во Друштвото за управување со инвестициски фондови ВФП - Фонд менаџмент АД Скопје.
За тоа беше објавено преку Македонската берза.
„Согласно одредбите од член 166-Б став 1, Друштвото за управување со инвестициски фондови ВФП - Фонд менаџмент АД Скопоје известува за следните промени во органот на управување: Комисијата за хартии од вредност донесе решение од 21 јули годинава, со кое се дава согласност на одлуката од 7 јули, за избор на извршен член на одбор на диртектори - извршен директор на друштвото за управување со отворемни и затворени инвестициски фондови ВФП Фонд менаџмент АД Скопје, донесена на Собрание на акционери на друштвото, со која лицето Андријата Поповска се именува на функцијата Извршен член на Одбор на директори - извршен директор на Друштвото“, се вели во соопштението.
Додека, пак, друштвото извести за следниве статусни измени.
„Друштвото известува за следните статусни измени - измената на член 75 став 1 точка 2 и член 75 став 3 се прави поради отповикување на досегашниот извршен член на Одборот на директори на друштвото господин Артон Лена и именување на госпоѓица Андријана Поповска за нов извршен член“, објави друштвото.