Добивај вести на Viber
Џулијан Асанж денеска објави дека формирал политичка партија „Викиликс“, која кон крајот на годината ќе учествува на парламентарните избори во Австралија.
Како што информира основачот на сајтот Викиликс, неговата партија ќе има седум кандидати за местата во горниот дом на Сенатот, во кој ќе ги претставуваат австралиските сојузни држави Нов Јужен Велс, Викторија и Западна Австралија.
Асанж планира да се кандидира во државата Викторија и покрај тоа што повеќе од една година се наоѓа во амбасадата на Еквадор во Лондон која не може да ја напушти за да не биде испорачан во Шведска, каде го гонат под обвинение за сексуален напад и силување.
Асанж во статија објавена во весникот „Аустралијан” вели дека планира да биде „независен критичар на активностите на владата” и дека победата на кандидатите од неговата партија би била иста со „поставувањето на најдобрите истражувачки новинари” во Сенатот.