Асоцијација на специјализанти и млади лекари- новинарите да истражат во која аптека може да се набави инекција клексан
Објавено во: Македонија 24 Јануари, 2021
Асоцијацијата на специјализанти и млди лекари АМСЛ денеска преку свој пост на фејсбук ги повика новинарите да истражат каде го има клексанот и другиот лек против згрутчување на крвта во форма на готова инекција.
Од Асоцијацијата тврдат дека ги нема овие лекови.
„Ги повикуваме новинарите да истражат во кои аптеки може да се набави готова инекција од типот на Clexane, Fraxiparine?
Ние тврдиме дека нема“, напишаа од Асоцијацијата на својот фејсбук профил.
А токму овие лекови беа предмет на препирка меѓу опозицијата и Министерството за здравство.
„Жалиме што народниот избраник наместо одговорност кон своите избирачи, поддржувачи и воопшто граѓаните на Република Северна Македонија избрал да манипулира со нив“, напишаа од Кабинетот на министерот Венко Филипче.
Нагласуваат дека клексанот е болнички лек.
„Лага е дека лекот Клексан не е на позитивна листа лекови. Истиот се дава исклучиво под надзор на медицинско лице, во присуство на лекар или медицинска сестра. Лекот Клексан може да се купи и од аптека со рецепта препишана само од специјалист, а потоа парите ФЗО РСМ ги рефундира.