АВАЈА ќе организира средба на 1.000 граѓани Роми со претседателските кандидати

Добивај вести на Viber

Претседателските кандидати Гордана Сиљановска Давкова и Стево Пендаровски, на 03 мај 2019 година, ќе имаат средба со повеќе од 1.000 граѓани Роми во рамки на кампањата „Ние Гласаме, Ние Одлучуваме”. На денешната средба со новинарите, граѓанските активисти Акиф Кариман и Елвис Шаќири информираа дека граѓанската иницијатива „АВАЈА“ собра 10.000 потписи во 14 општини.

„Граѓанската иницијатива АВАЈА, во изминатите 15 дена, активно беше вклучена на терен за да го слушне гласот на ромскиот народ и собра поддршка од ромската заедница во однос на Манифестот со трите приоритетни барања на ромската заедница. За осум дена теренска работа се собраа 10.322 потписи. Овој факт укажува на потребата од посериозни напори за унапредување на положбата на Ромите“, порача Кариман.

Во Манифестот се нотирани следните барања кои ги испорача ромската заедница: Ромите да бидат минимум 2% застапени во државната и јавната администрација за да се запази првичната застапеност по институциите, особено во министерствата, потоа двојна буџетска алокација за решавање на проблемите и двојно поголема реализација на капиталните инвестиции во ромските населби до 2020 година.

„Ние како иницијатива очекуваме дека по јавната средба со претседателксите канддидати, ромската заедница самостојно ќе одлучи за кого ќе го даде својот глас. Затоа, апелираме до заедницата активно да придонесе во овој дел со искористување на своето право на глас во вториот круг на изборите. Изборните резултати на првиот изборен круг покажаа дека Ромското гласачко тело очекува конкретни резулати за нивните проблеми“, рече Елвис Шаќири.

Тој потенцираше дека „во изминатите години, ромскиот гласачи беа манипулирани преку купување на нивниот глас, притисоци и разни други форми кои го загрозуваа нивното демократско право на глас и информиран избор“. Затоа, упатува и јавен апел да го задржат нивото на политичката култура и зрелост која ја демонстрираа ромските граѓани и да го искористаат свето право на глас без никакви притисоци.

Со оваа иницијатива се делува во насока на охрабрување на гласачите Роми да учествуваат во вториот круг на претседателските избори и да го искористат своето право на глас со што ќе придонесат кон подигнување на политичката култура на ромската заедница и демократските процеси во Република Северна Македонија.

АВАЈА е иницијатива која ги аритикулира барањата на ромската заедница преточени во Манифест, којвеќе е презентиран пред премиерот на Република Северна Македонија, Зоран Заев, пред политичките субјекти, пред дипломатскиот кор и пред ромската заедница.