Австралија ќе ја ограничи eмиграцијата
Објавено во: Свет 20 Ноември, 2018
Австралија најверојатно ќе ја ограничи eмиграцијата, бидејќи нејзините градови се пренатрупани, изјави австралискиот премиер Скот Морисон. Како што рече во говорот во понеделникот вечерта, неговата влада ќе работи на намалување на годишната квота, која моментално изнесува 190.000 eмигранти, на околу 30.000 doselenici, според германската новинска агенција ДПА.
Тој истакна дека најголемите градови во Сиднеј и Мелбурн се жртви на успехот на земјата. "Патиштата се пренатрупани, автобусите, возовите и училиштата се полни", рече тој. Додаде дека мигрантите во Сиднеј минатата година учествуваа со околу 70 отсто од целокупниот пораст на населението. "Растот на населението одигра клучна улога во нашиот економски успех. Но, исто така знам дека Австралијците во нашите најголеми градови се загрижени од порастот населението. Тие велат дека е доволно", изјави австралискиот премиер.
Тој објави дека ќе побара од шефовите на владите на сојузните држави да ги подготват своите демографски планови за да се дискутираат на 12 декември.
Оваа година 160.000 луѓе се преселија во Австралија, што е пониско од годишната квота. Според најновите податоци, повеќето имигранти во Австралија доаѓаат од Индија, 20%. 15 отсто се од Кина и девет отсто од Велика Британија. Речиси 262.500 постојани и привремени визи беа доделени во Австралија минатата година, со население од над 25 милиони.