Австријците ќе плаќаат поскапа струја
Објавено во: Економија 24 Ноември, 2021
Aвстријците ќе плаќаат поскапа струја.
Поскапувањето е неизбежно поради развојот на меѓународниот пазар на електрична енергија.
Цената на струјата ќе биде повисока за 7,9 отсто од крајот на овој месец во провинцијата Штаерска, што ќе донесе повисоки месечни трошоци за просечното домаќинство за 5,33 евра.
Операторите со електрична струја во Виена, Долна Австрија и Бургенланд на почетокот на следната година ќе ја поскапат струјата за околу 17 отсто.
За домаќинство со годишна потрошувачка од 3.500 киловат-часови тоа ќе значи месечно зголемување од 13 евра од 1 јануари, најавува групацијата оператори во три провинции во источна Австрија, EnergieAllianz.
Експертите велат дека во иднина електричната енергија ќе биде скап ресурс.