Бајден ја обвини реториката на Трамп за поттикнување на масовните убиства, тој пак вика дека причината се менталните болести

Добивај вести на Viber

Џо Бајден, најверојатниот кандидат на демократите за претседателските избори во 2020, верува дека САД треба да го решат проблемот со омраза што предизвикува инциденти, како што се неодамнешните масовни убиства во Тексас и Охајо. Еден од кандидатите на демократите вети дека ќе забрани купување на јуришно оружје како автоматските пушки што се користеа во неодамнешните масовни пукања.

Претседателот на САД, Доналд Трамп, рече дека треба да се стори повеќе за да се спречат масовните убиства во САД, а како површна причина за тоа ги наведе менталните заболувања, додека Бајден го обвинуваше дека неговата реторика ги  поттикнала двата неодамнешни смртоносни напади .

„Ова трае со години и ние мора да го запреме“, рече Трамп пред новинарите во Њу Џерси. „Изгледа дека треба да направиме повеќе“, истакна тој, додавајќи дека „ова е исто така проблем предизвикан од ментална болест“.

Претседателот на САД претходно на Твитер напиша дека наредил спуштање на на сите знамиња на зградите на федералните влади и Белата куќа на половина копје.

Бајден коментираше за повторното обединување во Сан Диего во домот на Марк Арабо, бизнисмен кој се залага за прогонетите христијани. Околу 75 лица присуствуваа на настанот во неделата за да соберат средства за неговата претседателска кампања.

Бајден вети дека ќе забрани оружје како што е користено во неодамнешните масовни пукања, осврнувајќи се на напади со пушки како АР-15, но додаде дека земјата мора да стори многу повеќе од зајакнување на контролата на оружјето и решавање на проблемот со омраза што поттикнува вакви инциденти.

„Факт е дека белиот национализам, белиот супремацизам и другите екстремни идеологии се сè попопуларни и прифатени во САД“, рече поранешниот потпретседател.

Тој додаде дека „ескалацијата на насилството за кое бевме сведоци не се случи поради глупоста, туку поради чистата омраза на која ние треба да се спротивставиме“.

Бајден осуди некои контроверзни изјави на Трамп. „Кога продуцирате омраза од Овалната канцеларија, дозволувате екстремизам низ целата земја“, рече тој.

Иако не смета дека Трамп е лично одговорен, тој смета дека зборовите на претседателот имаат значително влијание.