08 Март, 2021
0.0342

Бајрам Реџепи: 33-те милиони евра ќе му ги префрлиме на „Макпетрол“ кога Владата ќе донесе одлука

Објавено во: Економија 21 Јануари, 2021

Бајрам Реџепи, директорот на Национални енергетски ресурси, вели дека 33-те милиони евра ќе му бидат исплатени на „Макпетрол“ за купување на половичниот дел од АД ГА-МА кога Владата ќе донесе одлука за тоа.

Во моментов парите ги чува НЕР на посебна сметка уште од 2019, а Реџепи вели дека за трансакцијата да биде одобрена, договорот треба да го потпише и Европската енергетска заедница.

По изгласувањето на законот за решавањето на спорот на крајот од минатата година, се создадоа услови државата да стане единствен сопственик над АД ГА-МА, која го оджува системот за пренос на рускиот гас кој единствено доаѓа од Деве Баир па до скопскиот регион. АД НЕР го гради националниот гасовод и предвидено е овие две претпријатија да се спојат во едно кога ќе биде откупено приватното сопствеништво на АД ГА-МА.

- Договорот помеѓу Владата и Макпетрол е трипартиден. Потпис треба да стави и Енергетската заедница, која беше медијатор за надминување на спорот и гарантор на договорот. Кога ќе се потпише, Владата треба да донесе одлука за исплата. Тоа може да се случи и во текот на овој месец, вели Реџепи.

Директорот на НЕР вели дека Владата со одлуката ќе го задолќи претпријатието директно да му ги префрли парите на „Макпетрол“ или пак тие да се вратат во буџетот, па од таму да и се исплатат на компанијата.

Понатаму предвидено е НЕР да ја превземе АД ГА-МА, или пак како втора опција се остава простор да се формира трето претпријатие составено од овие две. Реџепи вели дека од УСАИД е одобрен грант за техничка помош за како да се изведе овој процес.

- Следниот чекор е акциите од новиот оператор кој ќе се формира да прејдат во сопственост на Министерството за економија, а понатаму ќе се бара лиценца за работа од Регулаторната комисија за енергетика, најавува Реџепи.

Тој вели дека во последната фаза ќе следува сертификација од Европската енергетска заедница пред да започне со работа единствениот национален преносител на природен гас кој ќе биде во целосна државна сопственост.

А.К.


Можеби ќе ве интересира

Нафтата со скок, нафташите со договор: Што се случува

Нафтата со скок, нафташите со договор: Што се случува

БИТКОИНОТ СЕ „ВРАТИ“: Како ја презеде улогата што некогаш ја играше златото

БИТКОИНОТ СЕ „ВРАТИ“: Како ја презеде улогата што некогаш ја играше златото

Среќен 8ми март! Каде се жените 100 години подоцна? Какви им се платите, бенефициите, обврските?

Среќен 8ми март! Каде се жените 100 години подоцна? Какви им се платите, бенефициите, обврските?

Ќе има отпуштања, некои работат во четири смени, некаде работата не смее да прекине: Фактор дознава кои се клучните забелешки за „недела неработен ден“

Ќе има отпуштања, некои работат во четири смени, некаде работата не смее да прекине: Фактор дознава кои се клучните забелешки за „недела неработен ден“

Како најстарата македонска автомобилска компанија се справи со короната?

Како најстарата македонска автомобилска компанија се справи со короната?

ВО ВРЕМЕ НА ПАНДЕМИЈА МАЛКУМИНА МИСЛЕЛЕ НА НОВА КОЛА - увозот на нови автомобили лани се струполи за 33 отсто

ВО ВРЕМЕ НА ПАНДЕМИЈА МАЛКУМИНА МИСЛЕЛЕ НА НОВА КОЛА - увозот на нови автомобили лани се струполи за 33 отсто

ПРОПАДНАА ОСМОМАРТОВСКИТЕ ПОНУДИ - Иако цените се поволни, интересот е слаб

ПРОПАДНАА ОСМОМАРТОВСКИТЕ ПОНУДИ - Иако цените се поволни, интересот е слаб

Инвестицискиот циклус на „Макпетрол“ АД продолжува, реновирана и модернизирана бензинската станица во центарот на Тетово

Инвестицискиот циклус на „Макпетрол“ АД продолжува, реновирана и модернизирана бензинската станица во центарот на Тетово

БЕКТЕШИ СО СТУДЕН ТУШ ДО СМЕТКОВОДИТЕЛИТЕ: Тие бараа пролонгирање за завршните сметки до 31 март, власта ги одби

БЕКТЕШИ СО СТУДЕН ТУШ ДО СМЕТКОВОДИТЕЛИТЕ: Тие бараа пролонгирање за завршните сметки до 31 март, власта ги одби