Баjрами сведок во „Сопот“: Бев малтретиран психички и физички и на секаков друг начин
Објавено во: Македонија 18 Октомври, 2017
Рамадан Бајрами, клучниот сведок во случајот „Сопот“ денеска изјави дека бил малтретиран психички и физички и на секаков друг начин.
Лицата на оние кои ме сослушуваа нема никогаш да им ги заборавам, рече Рамадан Бајрами. Луѓе од МВР го терале на сила да даде лажен исказ за случајот.
„Тоа сум го рекол 101 пат. Кога се случи случајот јас воопшто не бев присутен во Македонија. Имам печат на пасошот. Докажано е дека не сум бил во Македонија“ - рече тој.
Бајрами и претходно раскажуваше како го мачеле десетина цивили, а инспектори од кумановската полиција го тепале. Му покажале нацртана скица за настанот и имињата на осомничените кои наводно ја испланирале експлозијата, и побарале од него да ја прецрта со свој ракопис.Специјалното јавно обвинителство кое го презеде случајот Сопот на судот му достави нови докази меѓу кои и снимен разговор меѓу поранешната министерка за внатрешни работи Гордана Јанкуловска и екс началникот на УБК Сашо Мијалков, како и аудио разговор од МВР со сведокот Рамадан Бајрами.