21 Септември, 2020
0.0199

БАНКАРИТЕ СЕ ЈАВИЈА - ќе ги одложиме ратите шест месеци

Објавено во: Финансии 31 Март, 2020

Како што и се очекуваше, така и направија. 

Банките ќе го одложат исплаќањето на ратите од кредитите до шест месеци, соопшти денеска Македонската банкарска асоцијација.

Односно, тоа одложување ќе трае најдоцна до крајот на септември оваа година.

„Ве информираме дека во меѓусебна координација, големото мнозинство на банки,  вклучително сите големи банки, постигнаа усогласеност, преку своите понуди да овозможат одлагање на отплатата на кредитните обврски до шест месеци за кредитокорисниците – физички лица, најдоцна до 30.09.2020 година“, се вели во соопштението од Македонската банкарска асоцијација.

Оттаму информираат дека во согласност со измените и дополнувањата на Одлуката за методологијата за управување со кредитниот ризик, што ги донесе Советот на Народната банка и со донесената Уредба со законска сила за начинот на промена на договорни услови на кредитни изложености кај банките и штедилниците, којашто влезе во сила на 27 март годинава, нејзините членки веќе почнале со јавни објави за промени на договорните услови кои ќе се понудат на корисниците на кредитни производи во новонастанатите околности предизвикани од ширењето на КОВИД 19 вирусот.

Пред неколку дена, на иницијатива на Народната банка била организирана и телеконференција со банките и штедилниците, во која учествувала и гувернерката Анита Ангеловска-Бежоска. 

„На телеконференцијата се дискутираше за можностите и начините за најдобриот можен пристап на банките и штедилниците за да се излезе во пресрет на потребите на граѓаните и економијата во новосоздадените кризни околности и во рамки на донесената регулатива од страна на Владата и од страна на Народната банка. Притоа, секоја банка и штедилница ги презентираше своите првични видувања за соодветните пристапи со коишто може да се олесни финансискиот товар на засегнатите кредитокорисници“, велат од асоцијацијата.

По ова, мнозинството банки се согласиле за одлагање на отплатата на кредитните обврски за шест месеци.

Со тоа членките на Македонската Банкарска Асоцијација ја потврдуваат својата општествена одговорност да се излезе во пресрет на граѓаните и компаниите, кои веќе се соочуваат или во натамошниот период би можело да се соочат со големи проблеми заради корона-кризата.

Би сакале да нагласиме дека сите овие мерки, кои вклучуваат одложување на отплатите на кредитите, се наменети за оние физички лица и компании кои навистина се во неможност во овој период да продолжат со измирување на своите обврски спрема банките и штедилниците и други доверители заради престанок со работа на компаниите, губење на работни места, намалување на плати итн“, велат банкарите.

Додаваат дека треба сите оние кои се во можност да продолжат да отплаќаат, да го сторат тоа. На тој начин ќе покажат солидарност со сите оние на кои навистина им е потребна помош во текот на корона-кризата.

Но, ваквата одлука, која и се очекуваше, кај дел од граѓаните создава недоумици.

Некои по социјалните мрежи веќе реагираат дека не е јасно од оваа одлука дали за тој период на одлагање од шест месеци, банките ќе продолжат да ја пресметуваат каматата на кредитите. Доколку е така, велат тие, каква ќе биде тогаш реално помошта за кредитокорисниците.

Исто така, некои граѓани се надеваа дека ќе има ослободување од дел од обврските, а не тоа да биде само нивно одложување.

Н.Н.Ф.

Можеби ќе ве интересира

ММФ ЗА ЗАТВОРАЊЕТО НА ЕУРОСТАНДАРД - Народна банка ја донела одлуката за да ги заштити депонентите

ММФ ЗА ЗАТВОРАЊЕТО НА ЕУРОСТАНДАРД - Народна банка ја донела одлуката за да ги заштити депонентите

НАРОДНА БАНКА ОПШИРНО ЗОШТО МОРАЛА ДА ЈА ЗАТВОРИ ЕУРОСТАНДАРД - ниту сопственикот ниту инвеститорот не го обезбедија потребниот капитал

НАРОДНА БАНКА ОПШИРНО ЗОШТО МОРАЛА ДА ЈА ЗАТВОРИ ЕУРОСТАНДАРД - ниту сопственикот ниту инвеститорот не го обезбедија потребниот капитал

Бараат закон за обештетување - оштетените од Еуростандард имале средби со сите политички партии

Бараат закон за обештетување - оштетените од Еуростандард имале средби со сите политички партии

ВОДОВОД И ЕВН СИ ГИ БАРААТ СВОИТЕ ПАРИ ОД ЕУРОСТАНДАРД - формиран Одборот на доверители на банката во стечај

ВОДОВОД И ЕВН СИ ГИ БАРААТ СВОИТЕ ПАРИ ОД ЕУРОСТАНДАРД - формиран Одборот на доверители на банката во стечај

Осум милиони евра од НЛБ Банка и ЕБОР за нови кредити за граѓаните и фирмите

Осум милиони евра од НЛБ Банка и ЕБОР за нови кредити за граѓаните и фирмите

Генерали инвестмент: Цените на акциите пораснаа, можна брза и длабока корекција

Генерали инвестмент: Цените на акциите пораснаа, можна брза и длабока корекција

Генерали Инвестментс се придружува на Инвеститорскиот ден

Генерали Инвестментс се придружува на Инвеститорскиот ден

ПРЕКУ БАНКИТЕ ЌЕ СЕ ИСПЛАТАТ 70 МИЛИОНИ ЕВРА - од денеска стартува обесштетувањето на Еуростандард

ПРЕКУ БАНКИТЕ ЌЕ СЕ ИСПЛАТАТ 70 МИЛИОНИ ЕВРА - од денеска стартува обесштетувањето на Еуростандард

ОД УТРЕ БАНКИТЕ ПАК ПОЛНИ: Почнува обесштетувањето на штедачите од Еуростандард банка

ОД УТРЕ БАНКИТЕ ПАК ПОЛНИ: Почнува обесштетувањето на штедачите од Еуростандард банка