Банкарски службеник пуштил 90 илјади евра во река

Добивај вести на Viber

Вработен во австриска банка испуштил во реката 90 000 евра, објави весникот „Залцбургер нахтрихтен". Ова се случило минатиот месец кога вработениот ги пренесувал парите од малата филијала на банката во Обертауерн до централата во Радшадт. По патот на службенокот му се дупнала гумата и било потребно е да ја смени со резервната. Додека банкарскиот службеник ги менувал гумите тој ги оставил торбите со пари на земја. Според исказот на службеникот имало голема стрмнина и вреќите се стркалале кон  реката, пренесуваат австриските весници. Полицијата и планинската спасувачка служба ја пребарале реката, но откриле само 3.000 евра. Нема сведоци кои ги потврдат тврдењата на банкарскиот службеник, па полицијата започна кривична истрага. Службеникот кој користел личен автомобил за пренесување на парите, е отпуштен поради непочитување на процедурите, соопштија од банката. Полицијата исто така ги предупреди потенцијалните трагачи по богатства да не ги бараат пари, бидејќи планинскиот релјеф и водопадите на реката претставуваат опасност за животот и тоа не би било "паметно".