31 Март, 2020
0.0375

Бараат прибежиште во Македонија додека да се смири албанското тло

Објавено во: Македонија 03 Декември, 2019

Во Западна Македонија, викендов можеа да се забележат голем број автомобили со албански регистарски ознаки, затоа што граѓаните од соседна Албанија бараат прибежиште во нашата земја додека да се смири тлото.

Охрид и Струга се градовите каде дел од албанските граѓани се сместени, во очекување дека наскоро земјотресите ќе запрат, на терен ситуацијата ќе биде санирана и ќе можат да се вратат дома. Минатата недела Албанија беше погодена од многу потреси, при што се направени големи штети, но имаше и човечки жртви во Драч и Туман.  

„Имам вујко и тетки во Драч, и раскажуваат дека е страшно. Моја братучетка со две мали девојчиња седи надвор, затоа што им е страв да влезат внатре. Ги фати и дожд, па мораа со чадори да стојат на отворено. Препоставувам дека многу граѓани се упатиле во Македонија кај роднини, пријатели, додека да  помине кризата. Инаку, моите родители не се во Албанија, туку се во Италија на работа, на безбедно се“, вели 28 годишната Ангела, девојка од Албанија која се омажила и живее во Куманово.

Крсте Блажески од ХОТАМ објаснува дека по силниот и разорен земјотрес имаше поголем прилив на гости од Албанија во Охрид и Струга, но сега се разидуваат и се враќаат назад во своите домови.

„Првиот бран беше поголем, не дека тоа била некоја огромна бројка, но во секој хотел имаше по 5, 10, 15 семејства, зборувам за Охрид и Струга. Сега мал дел се останати во земјава. Договоривме цените да бидат најмининални за нив, да им се излезе во пресрет, но тоа не смее да биде и многу евтино затоа што има и хотели кои не работат во позитива“, рече Блажески.

Во хотелите кои се лоцирани во Дебар и Гостивар, велат дека во екот на земјотресите немале гости од Албанија кои дошле со цел да ја избегнат непогодата, но не ја исклучуваат можноста дел од албанските граѓани да заминале во домаќинства кај роднини.

Албанскиот сеизмолог Рапо Ормени изјавил дека се забележани 1.300 послаби земјотреси на подрачјето на Драч и другите делови од земјата и дека тоа е нормален процес потребен за ослободување на енергија после главниот земјотрес. Но, дополнителните потреси не довеле до нови штети.

Сања Атанасовска

фото АП / ЕПА

Можеби ќе ве интересира

Министерот Филипче и гувернерката Ангеловска-Бежоска на седницата на Советот за безбедност

Министерот Филипче и гувернерката Ангеловска-Бежоска на седницата на Советот за безбедност

КОВИД-19: Посмртен е од што мислеа и најголемите оптимисти

КОВИД-19: Посмртен е од што мислеа и најголемите оптимисти

Секој ден во 15 часот нова статистика за бројот на новозаболени од коронавирусот

Секој ден во 15 часот нова статистика за бројот на новозаболени од коронавирусот

ВО ВРЕМЕ КОГА КОРОНАВИРУСОТ СЕ ШИРИ: Дали загадениот воздух го слабее имунитетот?

ВО ВРЕМЕ КОГА КОРОНАВИРУСОТ СЕ ШИРИ: Дали загадениот воздух го слабее имунитетот?

Рама за МТВ2: Со Италија сме тесно поврзани, со Македонија нема да има размена на доктори

Рама за МТВ2: Со Италија сме тесно поврзани, со Македонија нема да има размена на доктори

Владата бара да се ослободат од работа лицата со попреченост, слепите лица и инвалидите

Владата бара да се ослободат од работа лицата со попреченост, слепите лица и инвалидите

Кина со парична помош на сметката на Министерството за здравство

Кина со парична помош на сметката на Министерството за здравство

ФАКТОР НА ДЕНОТ: Maкедонското знаме подигнато во Брисел, стигнаа првите честитки

ФАКТОР НА ДЕНОТ: Maкедонското знаме подигнато во Брисел, стигнаа првите честитки

Ако има потреба ученичките и студентските домови ќе се користат за карантин

Ако има потреба ученичките и студентските домови ќе се користат за карантин