09 Декември, 2022
0.0348

Бектеши. Ако се оствари планот на ЕСМ струјата нема да поскапи, сепак треба да се штеди

Објавено во: Економија 01 Октомври, 2022

Добивај вести на Viber

Со Србија се преговара за размена на гас за електрична енергија, а доколку се постигне договор половина од електричната енергија која ќе се произведе во ТЕ-ТО да остане за нашите потреби, а другата половина да се врати на северниот сосед. Ние ја прифативме оваа финална понуда и Србија сериозно ја разгледува. Овој предлог за размена на енергенси првично беше предложен од Србија за што Северна Македонија даде конечен одговор, а сега чекаме одговор од српската страна“, кажа министерот за економија Крешник Бектеши во вчерашното гостување во 360 степени на Алсат телевизија.

- Ниту Северна Македонија ќе купува гас од Србија, ниту, пак, Србија за возврат ќе купува електрична енергија од земјава. Она за што се преговара, е размена – Србија да дава гас за електраната ТЕ-ТО, а потоа дел од произведената електрична енергија да се врати како компензација. Ако се постигне договор обврска е на Србија да го снабдува со природен гас ТЕ-ТО. Ние како држава имаме обврска ним да им обезбедиме електрична енергија. Јас сум повеќе од сигурен дека Србија, ја разгледува нашата понуда. Последната понуда е или 50-50 или 60-40 за нас - кажа министерот Бектеши.

Доколку се реализира овој договор како што потенцираше министерот придобивките за Македонија ќе бидат неколкукратни односно електричната енергија произведена во ТЕ-ТО што ќе остане за земјава ќе биде понудена на домашниот пазар.

- Тука се зборува за размена. Ние како држава имаме интерес за да имаме природен гас со пониска цена, зошто, заради тоа што ќе имаме пониска цена и за топлинска енергија, а во едно и за електрична енергија која ќе можеме да ја понудиме на граѓаните, ако не работи ТЕ-ТО, тогаш 100 отсто од парното во Скопје треба да биде произведена во топланите Исток и Запад, Енергетика и топланата Север која е во Чаир, а ако работи ТЕ-ТО тогаш потрошувачката во целиот град Скопје 60 проценти се покрива со работа само на ТЕ-ТО и тогаш топланите треба да покриват само околу 40 проценти од тие потреби. ТЕ-ТО работи само на природен гас, топланите работат и на гас и можат да работат на дизел. И сега и да се намалат трошоците за нас е интерес да работи ТЕ-ТО за топлинска енергија да не се зголеми цената, со пониски цени на природен гас и електричната енергија дел ќе им ја нудиме на Србија и дел ќе го користиме за нашите потреби, било тоа за потребите на индустријата, било тоа за потреби, зборуваме за капацитет од 205 мегават час - појасни Бектеши.

Во однос на преговорите со Бугарија за набавка на електрична енергија за стопанството по пониска цена министерот Бектеши појасни дека изминатите недели се водеа интензивни преговори со претставници од бугарска страна, а во разговорите беа вклучени и претставници од Европската комисија и Европската енергетска заедница.

- Од она што е договорено нашата земја има дозвола од Европската комисија за билатерални преговори со земји членки на Унијата, во моментов се бара решение за легислативата во Бугарија која предвидува целата произведена електрична енергија во земјата да мора да оди на берза, но тоа може лесно да се смени со одлука од Владата или со подзаконски акти. Доколку Република Бугарија ја прифати нашата понуда за откуп на електрична енергија по фиксна цена од 200 евра за мегават/час, колку што може да поднесе нашето стопанство, можеме да постигнеме договор, но доколку тие инсистираат да плаќаме по цената која е на берза, нема да се согласиме и ќе продолжиме со нашите домашни капацитети. Нема да прифатам да плаќаме базна енергија за наредните седум месеци по цена која е моментално на берзите. Тоа е ставот на Владата, преговараме со бугарската страна за фиксна цена која ќе биде до крајот на април. И не фиксна цена само во пикови, туку фиксна цена за 24 часа. Што значи тоа – ако цената е 200 евра, тие во ноќните часови ќе добијат 200 евра за мегават/час, а има денови кога во ноќните часови електричната енергија не е повеќе од 100 евра, а во пикови во текот на денот може цената да стигне 400 или 500 евра, но тие пак ќе добиваат 200 евра“, кажа министерот Бектеши и најави дека денеска со претседателот Стево Пендаровски се во Софија ќе одржат состанок со претседателката на ЕК, Урсула Фон дер Лајен, и со претставници на Бугарија, на кој ќе биде презентирана оваа последна понуда од македонска страна, пред се поради фактот што цената на производство на електрична енергија во Бугарија е под 100 евра за мегават час, а во нуклеарниот реактор во Козлодуј е и под 50 евра.

Во однос пак на преговорите со Турција, Бектеши информираше дека Северна Македонија има понуда за набавка на електрична енергија која е доставена до Стопанската комора со цена која е повисока од нивните барања кои се движат од 150 до 200 евра за мегават час. 

- Но проблемот е тоа што ниту една од заинтересираните компании не ни гарантира дека ако цената на пример би била 250 евра дека тие би ја купиле таа електрична енергија. Ако ние авансно плаќаме за 100 мегавати на електрична енергија по цена на пример од 250 евра и ако тука нашите компании не гарантираат дека ќе ја купат по таа цена тогаш целиот товар ќе падне на државата, и ние не можеме така да се однесуваме со буџетот на државата. Ако платат авансно, тогаш можеме да обезбедиме одредени количини - кажа министерот.

Во однос на очекувањата за цената на енергијата по нова година министерот кажа дека ако се реализира планот за производство од ЕСМ во последниот квартал годинава како и планот за снабдување со разни енергенси со цени кои ги имаме моментално, тогаш нема да има зголемување на цените на електрична енергија, но повика граѓаните да штедат за да се намали притисокот врз ЕСМ.

Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2022 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.

Можеби ќе ве интересира

Зошто доларот паѓа во однос на еврото?

Зошто доларот паѓа во однос на еврото?

Куртхан Апајдин, главен извршен директор на „Лимак Скопје“: „Diamond of Skopje“ дава нова димензија на урбаното живеење

Куртхан Апајдин, главен извршен директор на „Лимак Скопје“: „Diamond of Skopje“ дава нова димензија на урбаното живеење

ЕСМ купил струја од 16,3 милиони евра за декември

ЕСМ купил струја од 16,3 милиони евра за декември

ОДВ Електрик од Струга вработи 90 работници од Украина

ОДВ Електрик од Струга вработи 90 работници од Украина

Истражување: Македонецот би бил задоволен со плата од 770 евра

Истражување: Македонецот би бил задоволен со плата од 770 евра

Бочварски: Ова е време кога треба сите да размислуваме за поевтина енерегија

Бочварски: Ова е време кога треба сите да размислуваме за поевтина енерегија

И ПОКРАЈ КРИЗАТА НЕВРАБОТЕНОСТА ПАЃА, ДЗС со нови податоци за вработеноста на граѓаните

И ПОКРАЈ КРИЗАТА НЕВРАБОТЕНОСТА ПАЃА, ДЗС со нови податоци за вработеноста на граѓаните

Од утре драстично намалување на цените на бензините и дизелот

Од утре драстично намалување на цените на бензините и дизелот

ПОЛОВНИТЕ АВТОМОБИЛИ НИКОГАШ НЕ БИЛЕ ПОСКАПИ - еве што во Фолксваген очекуваат за наредниот период

ПОЛОВНИТЕ АВТОМОБИЛИ НИКОГАШ НЕ БИЛЕ ПОСКАПИ - еве што во Фолксваген очекуваат за наредниот период