Беса „тврдокорни“ до крај: Како ќе успее да ги убеди Заев да гласаат „ЗА“?
Објавено во: Македонија 10 Јануари, 2019
Опозициската Беса останува на ставот. Ако не се исполнат нивните барања тогаш нема ниту глас „ЗА“ за уставните измени.
Ставот на кој стојат тврдокорно го потврдија и во гостувањата во медиуми.
Во дебатниот магазин „Click Plus“ на ТВ21 Билал Касами кажа дека од Беса нема зелено светло ако не се исполнат нивните барања.
Двете барања кои ги поставува опонентот на СДСМ се да нема македонско државјанство кај албанците и да нема заштита само за македонската дијаспора, туку заштита на дијаспората на Македонија.
Засега е неизвесно колку премиерот ќе се осмели да ги прифати овие барања ако од друга страна знае дека ќе ризикува и ќе може да ги изгуби гласовите од исклучените пратеници кои делуваат како независни.
Во 13 часот почнува седницата која вчера беше одложена по говорот на премиерот.
ВМРО ДПМНЕ нема да биде дел од истата, според најавите на пратениците од партијата на Христијан Мицкоски.
Фото: Влада