„БЕШЕ СИЛЕН БОРЕЦ ВО СИТЕ ЖИВОТНИ ПРЕМРЕЖЈА“: Почина оперската првенка Ирена Кавкалевска
Објавено во: Македонија 25 Септември, 2024
Почина оперската првенка Ирена Кавкалевска, мецосопран (1973-2024), објави НУ Национална опера и балет.
Кавкалевска е добитничка на многу награди, а се школуваше во Македонија, Бугарија, Австрија, Хрватска.
„Нејзината појава беше особено ретка, како на сцената така и во приватниот живот. Зрачејќи со својата елеганција, нежност и благородност, остави голема трага во срцата на публиката и колегите. Истовремено, беше и силен борец во сите животни премрежја. Прераната смрт на почитуваната и драга Ирена Кавкалевска за Македонската опера и балет и воопшто, за севкупниот културен живот, претставува огромна загуба. Таа имаше и можеше да подари уште многу сценски и концертни креации…-“напишаа од НОБ за Кавкалевска.