Беше сиромашна држава, сега ја нарекуваат економско чудо
Објавено во: Економија 24 Март, 2018
Гана прераснува во економско чудо.
Оваа држава беше во криза од осумдесеттите години на минатиот век и се соочи со глад кој следеше по серијата воени удари во земјата. Но, од 1992 година Гана спроведува мирни избори и нејзината иднина сега изгледа посветла отколку што беше пред десет години. За ваквата состојба значително придонесе и откривањето на големи резерви на нафта.
Со сегашниот раст на цените на нафтата и брзото ширење на производството на нафта во земјата, Гана наскоро ќе може да постигне нешто за кое никој не се надеваше. Според Светската банка, Африканската банка за развој, ММФ и Институтот Брукингс, Гана годинава најверојатно ќе стане една од најбрзо растечките економии во светот.
Какаото е еден од природните ресурси на Гана па нејзините производители само придонесуваат кон нафтениот бум. Едмунд Поку, директор на „Ниче какао“, вели дека неговата фабрика во Теми, индустриско предградие на Акра, престолнината на Гана, има договори за продажба на целиот прав, путер и табли чоколадо кои планира да ги произведе во 2018 година.
Проектираниот раст во 2018 година се движи меѓу 8,3 и 8,9 отсто и Гана би можела да ја надмине Индија со нејзиниот силен технолошки сектор, но и Етиопија, која во последната деценија беше една од африканските економии који најбрзо се развиваа поради кафето. Во јануари, берзата на акции на Гана забележала највисока стапка на раст од 19 отсто, наведува „Блумберг“.