БЕСИМИ ГО ЗАБРЗУВА ПОВЛЕКУВАЊЕТО НА КРЕДИТОТ ОД 90 МИЛИОНИ ЕВРА - од состанокот со новиот директор во Светска банка
Објавено во: Финансии 11 Септември, 2020
Мерките и политиките коишто се преземаат во насока на поддршка на одржлив и инклузивен раст, се клучни во услови кога се соочуваме со најголемата економска криза досега предизвикана од Ковид 19. Во овој дел од голема важност е четиригодишната стратегија за партнерство што Република Северна Македонија ја има со Светска банка“, порача министерот за финансии Фатмир Бесими на првата официјална средба со директорот на Светска банка за земјава, Масимилијано Паолучи којашто се одржа онлајн. На средбата се дискутираше за тековните и идните проекти предвидени со четиригодишната стратегија, за проектите за справување со пандемијата, како и воопшто за политиките коишто ги презема Владата за справување со економската криза предизвикана од коронавирусот.
Министерот Бесими информира дека Министерството до Владата ќе достави Предлог-закон за задолжување за проектот за итно справување со Ковид-19. Станува збор за заем од 90 милиони евра со кој ќе се опфати здравствениот сектор, ќе се обезбеди привремена поддршка за социјална помош и привремена поддршка за надоместок во случај на невработеност. Во делот на здравствениот сектор, проектот е насочен кон подобрување на дел од здравствените установи, но и обезбедување лабораториска опрема и истиот е од големо значење за зајакнување на јавното здравство и справување со предизвикот од оваа пандемија.
Воедно, ќе се усвои и Законот за задолжување за проектот за енергетска ефикасност во јавниот сектор, во висина од 25 милиони евра. Средствата од заемот ќе се доделуваат на општините и на јавните здравствени установи за инвестиции во подобрување на енергетската ефикасност на јавните згради. Истиот ќе се спроведува преку проектната единица на Министерството за финансии за подобрување на општинските услуги – МСИП, со поддршка од Светска банка.
На средбата се дискутирало и за Проектот за модернизација на земјоделството во износ од 50 милиони евра, од кои 46 милиони се заем од Светска банка, а 4 милиони евра грант од ЕУ, чијашто реализација ќе се овозможи по усвојување на Законот за задолжување кој исто така е во собраниска процедура. Проектот опфаќа изградба на откупно-дистрибутивни центри, изградба на кафилерија за собирање и еколошка преработка на нуспроизводите од животинско потекло и заштита на средината, како и ново софтверско решение за евиденција и пристап до сите информации за секоја парцела. Истиот го спроведува Министерството за земјоделство и веќе е одобрен од страна на Светска банка.
Паолучи потенцира дека Светска банка и понатаму ќе ја поддржува нашата земја преку инвестиции во патната и енергетската инфраструктура, во развој на човечкиот капитал како и во делот на обезбедување подобар пристап до социјалните услуги.
Можеби ќе ве интересира
БЕРЗИТЕ СО ГОЛЕМИ ЗАГУБИ - индексот S&P 500 падна петти ден по ред
МАКЕДОНЦИТЕ ВО ГЕРМАНИЈА НА ГОЛЕМИ МАКИ – најевтина кирија е 1.000 евра, во големите градови уште поскапо
„Доколку не се остварат ризиците, олабавување на монетарната политика во втората половина од годинава“: гувернерката Ангеловска-Бежоска за ВОА
ПОИСПЛАТЛИВО ИМ Е ДА ЖИВЕАТ ВО ХОТЕЛ, ОТКОЛКУ ВО СТАН ПОД КИРИЈА: Неверојатни цени на киријата во Швајцарија
НА ЕДНА ПЛАНИНА ВО СОСЕДСТВОТО ИМА ЗЛАТО ЗА ПОЛА ЕВРОПА: Стрикленд Металс влезе во „профитабилната српска игра за злато“
ЗА 100 ИНВЕСТИРАНИ МНОГУ БРЗО ДОБИВАТЕ 10.000 евра: Криптовалутите станаа најбезбедна инвестиција, а пазарот покажува раст на цените
Генерали Инвестментс: Централните банки ги држат пазарите на капитал во неизвесност
„ВО ХРВАТСКА СЕ СЀ НАПЛАЌА, ДУРИ И ТУШОТ НА ПЛАЖА“: Сместувањето рипна на 90 евра од ноќевање, сезоната се уште не е започната, а многумина предвидуваат пропаст
ГОТОВО Е: Познат е датумот кога ќе заврши „копањето“ на биткоин
