БЕСНЕАТ ПОЖАРИ ВО ГРЦИЈА: Гори кај Атина и на Пелопонез, се евакуираат цели населени места
Објавено во: Балкан 04 Јули, 2022
Шумски пожари има во близина на грчката престолнина Атина, а еден град е евакуиран.
Силниот ветер го разгорува пожарот во областа Шхиматари, на околу 50 километри од Aтина. Локалните власти ги повикаа жителите да го напуштат градот Дилеси и го запреа локалниот железнички сообраќај, затоа што повеќе од сто пожарникари, поддржани од четири авиони и два хеликоптери, се борат со пожарот. Пожарникарите се обидуваат да го изгаснат пожарот и на јужниот полуостров Пелопонез, каде се евакуирани четири села. Викендов во Грција пристигнаа пожарникари од Романија и Бугарија за да помогнат. За 24 часа, се регистрирани 53 шумски пожари.
Лани шумските пожари опустошија околу 300.000 хектари шума.