Бесплатно тестирање: Македонците и натаму меѓу оние со најголем број позитивни случаи на враќање во Германија
Објавено во: Свет
14 Септември, 2020
Добивај вести на Viber
Откриени се околу 1200 позитивни случаи на Ковид-19 меѓу патниците што се враќаат во Германија откако се воведени бесплатните ПСР-тестирања, објави Ди Велт. На германските аеродроми се воведени пунктови за бесплатно тестирање од коронавирус за патници кои доаѓаат од ризични земји и региони.
Според Министерството за социјални работи, повеќе од 140.000 луѓе дале примероци на аеродромите во Штутгарт, Баден-Баден и Фридрихсхафен, на главната станица во Штутгарт и авто-паркинзите во Нојенбург (А5) и Кементал (А8), како што се „Штутгарт Нахрихтен“. Повеќето од позитивните биле на враќање од Косово, Хрватска, Босна и Херцеговина, Северна Македонија, Шпанија или Турција.
Министерот за социјала, Манфред Луха, ја нарече понудата за бесплатен тест за време на летниот одмор „добра и исправна“ и покрај ниската стапка на откривање која е помала од еден процент. Проектот успеал „рано да ги препознае позитивните наоди, особено кај патниците што се враќаат од ризичните земји“, им рече тој на новинарите. Во иднина, сепак, бесплатните тестови треба да се користат особено кај ранливите категории на граѓани, на пример во домовите за стари лица.