26 Октомври, 2020
0.0192

„Бетонскиот прстен“ во Прилеп чини 3,4 милиони евра, се чека уште техничко и кадровско опремување

Објавено во: Економија 17 Септември, 2020

Изградбата на кружниот прстен за сместување техничка опрема и инсталација, и централно јадро на сервер-соба во Прилеп чини 3,4 милиони евра, а пуштањето на овој објект во функција, за кој јавноста дозна откако авторот на проектот објави фотографии и информации за истиот во август, ќе се случи кога ќе биде технички и кадровски опремен.

Во Прилеп на 230 метри до најблиското населено место е изграден Business Continuity and Disaster Recovery Data Center, кој обезбедува континуитет во работењето на ИТ-системите во функција на работата на МВР., а самиот објект за македонската јавност претставуваше архитектонско чудо кое не може секојдневно да се види во Македонија, особено гледано од високо наликува и на вселенска база

Според проектот на 1X2STUDIO од Белград, кружниот прстен е исполнет со простории за механички инсталации, електрични и телекомуникациски инсталации, вклучително и просторија за провајдерот. Остатокот од просторот во објектот е за сместување на вработените (техничари, оператори, обезбедување) кои гарантираат полно работно време на дата-центарот 24/7.

Нарачател на проектот е Централно финансирање и склучување договори (ЦФСД), оддел од Министерството за финансии, а краен корисник ќе биде Министерството за внатрешни работи - Оддел за Општи и заеднички работи и Оддел за Информатика и телекомуникации.. Проектот ,,Воспоставување на ИКТ Центар за опоравување од катастрофи и обезбедување на континуитет со работата’’ се финансираше преку Инструментот за претпристапна помош, велат од Министерството за финансии.

- За реализација на проектот искористени се 3.398.444 евра, од кои 2.437.479 се средства обезбедени од ИПА. Договорот за имплементација на проектот се склучи на 19.12.2017 година, помеѓу Секторот за централно финансирање и склучување на договори, при Министерството за финасии како договорен орган и градежната компанија 4А-М ЅНРК од Република Албанија. Имплементацијата на проектот започна на 15.03.2018 година, во времетраење од 351 календарски денови т.е до 01.03.2019 година, со гарантен период од 365 календарски денови (кој вклучувајќи го перидот на суспендирање заради COVID 19 заврши на 01.06.2020 година), велат од Министерството за финансии.

Од таму додаваат дека објектот е изграден во целост и комплетно завршен, при што градежните работи опфаќаат изградба на  нов објект за ИКТ Центар за опоравување од катастрофи и обезбедување на континуитет со работењето, вклучувајќи ги и надворешните и внатрешните електро инсталации, внатрешни термотехнички инсталации, водовод, атмосферска и фекална канализациона мрежа, против пожарна заштита и систем за техничка безбедност на објектот; изградба на контролен пункт-портирница; ископување на заштитен ров околу објектот; изградба на пристапен пат(сообраќајница) до објектот од главниот пат со воспоставена хоризонтална и вертикална сообраќајна сигнализација и изградба на ограда околу објектот. 

„Воспоставувањето на ваков центар ќе обезбеди континуитет со работата и зачувување на податоците во случај на можни природни или катастрофи предизвикани од страна на човечки фактор, при што податоците и целиот систем на Министерството ќе имаат бек-ап верзија која што ќе овозможи податоците веднаш да се стават во функција и без проблеми да се одвива работата на Министерството за внатрешни работи.“, информира нарачателот. 

Од Министерството за внатрешни работи пак велат дека ќе го превземат „Бетонскиот прстен“ кога ќе биде подготвен за функционирање, бидејќи засега е завршена само неговата изградба.

- Изградбата е завршена, но таму не е уште инсталирана потребната техничка опрема, а исто така треба да се одбере кадарот кој постојано ќе биде вработен таму, ни изјави Тони Ангеловски, портпаролот на МВР.

А.К. 


Можеби ќе ве интересира

Ќе се менува Законот за работни односи за да нема фиктивни откази

Ќе се менува Законот за работни односи за да нема фиктивни откази

Владата ги објави платите на вработените и советниците во кабинетот на Заев: Најплатени Верушевски и Нина Фити-Неделковска

Владата ги објави платите на вработените и советниците во кабинетот на Заев: Најплатени Верушевски и Нина Фити-Неделковска

Студија на почетокот од грејната сезона: Две третини од Македонците се уште се греат на дрва

Студија на почетокот од грејната сезона: Две третини од Македонците се уште се греат на дрва

Бизнисмени: Државата ни должи 300 милиони евра за неплатени фактури

Бизнисмени: Државата ни должи 300 милиони евра за неплатени фактури

Оштетени штедачи: Извештајот на стечајниот покажува дека од „Еуростандард“ се извлечени 60 милиони евра

Оштетени штедачи: Извештајот на стечајниот покажува дека од „Еуростандард“ се извлечени 60 милиони евра

Кавадарци се задолжува кај домашна деловна банка за изградба на градскиот пазар

Кавадарци се задолжува кај домашна деловна банка за изградба на градскиот пазар

Владата прифаќа да им плати три кирии на ноќните клубови

Владата прифаќа да им плати три кирии на ноќните клубови

(ФОТО) Ресторанот „Аурора“ на Козјак започна со работа

(ФОТО) Ресторанот „Аурора“ на Козјак започна со работа

Муареми: Финансиската полиција го истражува пропаѓањето на Еуростандард банка

Муареми: Финансиската полиција го истражува пропаѓањето на Еуростандард банка